न्यूयॉर्क : सोशल मीडियावर एकापेक्षा एक भन्नाट बातम्या वाचायला मिळतात. आता अशी एक बातमी समोर आली आहे, ज्यावर तुमचा विश्वास बसणार नाही. पैसे मिळवण्यासाठी लोक वेगवेगळ्या गोष्टी करतात. पैसे कमवण्यासाठी कुणी नोकरी करतो, कुणी बिझनेस करतो, तर सध्या काही लोक ब्लॉगर बनूनही पैसे कमवत आहेत. पण एक व्यक्ती फक्त झोपून लाखो रुपये कमवत आहे. हे जाणून तुम्हाला विश्वास बसणार नाही, पण हे अगदी खरे आहे.
आज आम्ही तुम्हाला अशा सोशल मीडिया इन्फ्लुएंसरबद्दल सांगणार आहोत जो स्लीपिंग व्हिडिओ बनवून दरवर्षी तीन कोटी रुपये कमावतो. ही व्यक्ती ऑस्ट्रेलियाच्या गोल्ड कोस्टमध्ये राहते, तिचे नाव जॅकी बोहम आहे. जॅकी बोहम हे व्यवसायाने वेब डेव्हलपर आहे. त्याचे टिकटॉकवर 1 दशलक्षाहून अधिक फॉलोअर्स आहेत.
जॅकी बोहम रोज रात्री 10 वाजता झोपायला जातो. या दरम्यान तो ऑनलाइन राहतो आणि फॉलोअर्स त्याला ऑनलाइन पाहतात. जर एखाद्या चाहत्याला तो झोपलेला असताना त्याला उठवायचे असेल तर त्याला त्यासाठी काही पैसे द्यावे लागतील. यामुळे निव्वळ झोपूनच जॅकी खूप कमावतो.
मीडिया रिपोर्ट्सनुसार, जेव्हा जॅकी ऑनलाइन असतो तेव्हा त्याचे दर्शक आभासी भेटवस्तू खरेदी करतात. यामुळे, जॅकीच्या खोलीत आवाज ऐकू येतो आणि प्रकाश चालू होतो. अशा प्रकारे त्यांच्या चाहत्यांना व्हिडिओ गेम्सचा अनुभव येतो. यामध्ये ते जॅकीला पाहिजे तेव्हा उठवू शकतात. या अंतर्गत जॅकी दर महिन्याला सुमारे 28 लाख रुपये कमावतो.
* पाच मिनिटांसाठी घेतो ‘एवढे’ पैसे !
या प्रणालीमध्ये जॅकीच्या खोलीची लाईट पाच मिनिटांसाठी लागते आणि यासाठी त्याच्या चाहत्यांना 30 हजार रुपये मोजावे लागतात. 30 हजार रुपये भरल्यानंतर जॅकीच्या रूमची लाईट पाच मिनिटांसाठी चालू करता येते.
* जाणून घ्या पुढे काय योजना आहे ?
जॅकी म्हणतो की तो कमावलेले पैसे वाचवत आहे. छान आणि मोठं घर असावं ही त्याची इच्छा. याशिवाय तो मानसिक आरोग्याशी संबंधित संस्थांनाही मदत करतो. त्यांच्या फॉलोअर्सची संख्या वाढत आहे.