मुंबई : पंतप्रधान नरेंद्र मोदी यांच्या मुंबई दौऱ्यावर विरोधकांनी सडकून टीका केल्यानंतर आता त्यांच्या याच दौऱ्यातील एक फोटो शेअर करत शिवसेनेच्या (ठाकरे गट) उपनेत्या सुषमा अंधारे यांनी मुख्यमंत्री एकनाथ शिंदे यांच्यवर खोचक टीका केली आहे.
“वाघ एकला राजा, बाकी खेळ माकडांचा…”, असे म्हणत सुषमा अंधारेंनी दोन फोटो शेअर केले. तसेच यातून एकनाथ शिंदेंवर निशाणा साधला आहे.
सुषमा अंधारेंनी ट्वीट केलेला पहिला फोटो जुना आहे. यात नरेंद्र मोदी मुंबईत आले तेव्हा शिवसेना प्रमुख बाळासाहेब ठाकरे यांना वाकून नमस्कार करताना दिसत आहेत. तसेच दुसरा फोटो नरेंद्र मोदींच्या नुकत्याच झालेल्या मुंबई दौऱ्यातील आहे. या फोटोत एकनाथ शिंदे मोदींना वाकून नमस्कार करताना दिसत आहेत.
वाघ एकला राजा बाकी खेळ माकडांचा….@SaamanaOnline @ShivSena @ShivsenaComms pic.twitter.com/XAU5k2W65C
— SushmaTai Andhare (@andharesushama) January 20, 2023
सुषमा अंधारे यांनी हे दोन्ही फोटो ट्वीट करताना ‘हाच तो फरक’ म्हणत बाळासाहेब ठाकरे असताना त्याचे राजकीय स्थान आणि एकनाथ शिंदे यांचे राजकीय स्थान यावरून खोचक टीका केली आहे.