Ajit Pawar : उपमुख्यमंत्री अजित पवार यांचे विमान अपघातात निधन झाल्याने महाराष्ट्रावर शोककळा पसरली आहे. अजित पवार यांची अपघातात अशी अकाली एक्झिट मनाला चटका लावणारी आहे. नवीन वर्षांच्या सुरुवातीच्या महिन्यातच या दुःखद बातमीने महाराष्ट्र हादरला आहे. संपूर्ण बारामती सुन्न झाली असून मोठ्या प्रमाणात लोकांची गर्दी केली आहे. एका उमद्या, कणखर आणि स्पष्टवक्त्या नेत्याचा अचानक अंत झाल्याने राजकीय वर्तुळात तीव्र हळहळ व्यक्त केली जात आहे. त्यांच्या सहकाऱ्यांकडून आणि विरोधकांकडूनही अजित पवार यांच्या नेतृत्वगुणांचे स्मरण केले जात आहे. आता अपघाताच्या अगदी आधीची कहाणी समोर आली आहे. विमान कोसळण्यापूर्वी कॅप्टन शांभवी पाठक यांचे शेवटचे शब्द होते, ओह शिट…ओह शिट.! आतापर्यंत मिळालेल्या माहितीनुसार, विमानाची धुरा कॅप्टन सुमित कपूर आणि शांभवी पाठक यांच्या हातात होती. गॉगल आणि घड्याळावरून आम्ही दादांना बाहेर काढलं ! दरम्यान, अपघातावेळी नेमके काय घडले, हे सांगताना प्रत्यक्षदर्शी काय म्हणाले पाहू… विमान जमिनीवर पडल्यानंतर खूप मोठा अपघात झाल्याचे सांगताना प्रत्यक्षदर्शी दिसत आहेत. त्यांनी सांगितले की, अपघातानंतर दोन बॉडी स्फोटानंतर उडून बाहेर आल्या. गॉगल आणि घड्याळावरून आम्ही अजित पवार यांना बाहेर काढले आणि त्यांना मदत केली. असं ते सांगतात. ही बातमी वाचा : Ajit Pawar : दादा गेले, महाराष्ट्र हळहळला! मुलाचं लग्न असूनही दादा ‘अॅान फिल्ड’ होते, ‘ती’ आठवण समोर सकाळी धुक्यामुळे दृश्यमानता कमी होती. वैमानिकांनी बारामती विमानतळाच्या रनवे 11 वर उतरण्याचा प्रयत्न केला. मात्र, त्यांना रनवे दिसला नाही. वैमानिकांनी विमान पुन्हा वर घेतले. थोड्या वेळाने पुन्हा उतरण्याचा प्रयत्न केला. यावेळी विमान रनवेच्या दिशेने सरकले, पण रनवेला स्पर्श करण्यापूर्वीच ते उलटले आणि जमिनीवर आदळले. विमानात असलेले पर्सनल सिक्युरिटी ऑफिसर एचसी विदिप जाधव, पायलट कॅप्टन सुमित कपूर, कॅप्टन शांभवी पाठक आणि फ्लाइट अटेंडंट पिंकी माळी यांचाही मृत्यू झाला आहे. सोशल मीडियावर या घटनेचे अनेक व्हिडिओ आणि फोटो व्हायरल होत आहेत. हे देखील वाचा : Ajit Pawar : अजित पवारांसोबत घातपात? ‘या’ बड्या वकिलाने केला खळबळजनक दावा