सातारा -करोनाचे अनुमानित रुग्ण म्हणून दाखल झालेले साताऱ्यातील 11 व कराडच्या कृष्णा हॉस्पिटलमधील 4 अशा पंधरा जणांचे रिपोर्ट निगेटीव्ह आले आहेत. जिल्हा रुग्णालयात करोनाचे अनुमानित म्हणून दाखल करण्यात आलेल्या सातारा जिल्ह्यातील अनुमानित अकरा जणांचा ररिपोर्ट निगेटिव्ह आला आहे.
अनुमानित रुग्ण म्हणूनत्यांना दाखल केले होते. त्यांच्या घशातील स्त्रावाचे नमुने पुण्यातील “एनआयव्ही’कडे तपासणीकरीता पाठविण्यात आले होतो. परदेशातून प्रवास करुन आलेले सात प्रवाशी, इस्लामपूर येथील करोना रुग्णाच्या संपर्कात आलेले दोन व इतर दोन असे एकूण 11 जणांचे रिपोर्ट निगेटिव्ह आल्याची माहिती जिल्हा शल्य चिकित्सक डॉ. आमोद गडीकर यांनी दिली.
कराड – येथील कृष्णा हॉस्पिटलमध्ये करोना अनुमानित म्हणून उपचारासाठी दाखल झालेल्या चारही रूग्णांचे रिपोर्ट निगेटिव्ह आल्याची माहिती जिल्हा शल्यचिकित्सक डॉ. आमोद गडीकर यांनी दिली.