Pakistan news – अमेरिका आणि इराण दरम्यानच्या शांतता प्रक्रियेतील चर्चेची पुढील फेरी पाकिस्तानात व्हावी, अशी अपेक्षा पाकिस्तानचे पंतप्रधान शहबाझ शरीफ यांनी व्यक्त केली आहे. पश्चिम आशियामध्ये शांतता प्रस्थापित करण्यासाठी केलेल्या असाधारण प्रयत्नांबद्दल त्यांनी अमेरिकेचे अध्यक्ष डोनाल्ड ट्रम्प यांची प्रशंसा केली, तसेच या प्रदेशात शांततेसाठी पाकिस्तान आपले प्रयत्न सुरूच ठेवेल, असे आश्वासनही दिले. शनिवारी ट्रम्प यांनी सौदी अरेबिया, कतार, तुर्कस्तान, इजिप्त, संयुक्त अरब अमिराती, जॉर्डन, बहरीन आणि पाकिस्तानच्या नेत्यांशी फोनवर संवाद साधला. पाकिस्तानच्यावतीने लष्करप्रमुख फील्ड मार्शल आसिम मुनीर यांच्याशी ट्रम्प यांच्याकडून फोनवरून संवाद साधला गेला होता, असे शरीफ यांनी सांगितले. शरीफ सध्या चीन दौऱ्यावर असून वाटाघाटी यशस्वी करण्यासाठी जनरल मुनीर यांनी अथक परिश्रम घेतल्याबद्दल शरीफ यांनी त्यांचेही कौतुक केले.
