Riteish Deshmukh post : विमान अपघातात राज्याचे उपमुख्यमंत्री अजित पवार यांचे निधन झाले आहे. त्यांच्या निधनानंतर देशभरातून शोक व्यक्त केला जात आहे. राजकारणातील दादा माणसाची एक्सिट सगळ्यांच्याच मनाला चटका लावणारी आहे. अजित पवार यांच्या निधनानंतर एका राजकीय पर्वाचा अस्त झाला आहे. बारामतीसह महाराष्ट्र शोकसागरात बुडाला आहे. आता मनोरंजन विश्वातील कलाकार मंडळी आपल्या भावना व्यक्त करत आहेत. अभिनेता रितेश देशमुख याने एक्सवरून ट्वीट करत अजित पवार यांना श्रद्धांजली वाहिली आहे. त्याने पोस्टमधून पवार कुटुंबाप्रती संवेदना व्यक्त केल्या आहेत. एका दुःखद अपघातात आपण अजितदादांना गमावल्याचे ऐकून धक्का बसला आणि मनाला खूप दुःख झाले, अशी भावना रितेश देशमुख याने व्यक्त केली आहे. हेही वाचा : Ajit Pawar Death: “खूप धक्कादायक… विश्वास बसत नाहीये”; अजित पवारांच्या निधनाने मराठी कलाकार हळहळले Deeply shocked and terribly heartbroken to learn that we have lost Ajit Dada in a tragic accident. One of Maharashtra’s most dynamic leaders, he had zero tolerance for non-performance and constantly pushed and inspired those around him to excel. He never minced his words, his wit… pic.twitter.com/nGQ3M1xf0Z — Riteish Deshmukh (@Riteishd) January 28, 2026 या पोस्टमध्ये रितेशने अजित पवार आणि दिवंगत माजी मुख्यमंत्री विलासराव देशमुख यांच्यासोबतचा एक जुना फोटो शेअर केला आहे. महाराष्ट्रातील सर्वात प्रभावी नेत्यांपैकी एक अजित दादा होते. त्यांनी सभोवतालच्या लोकांना सतत उत्कृष्ट कामगिरी करण्यासाठी प्रेरित केले. त्यांची बुद्धिमत्ता अतुलनीय होती आणि सर्वच जण त्यांच्यावर खूप प्रेम करायचे. त्यांच्या अकाली निधनामुळे मोठे नुकसान झाले असून, कधीही भरून न येणारी पोकळी निर्माण झाली आहे. त्यांच्याशी अनेक वेळा संवाद साधण्याचा आनंद मला मिळाला आहे, त्यांनी माझ्यावर केलेले प्रेम मी नेहमीच लक्षात ठेवेन. पवार कुटुंब, त्यांच्या प्रियजनांना आणि लाखो समर्थकांना माझ्या मनापासून संवेदना. अशा शब्दांत अभिनेता रितेश देशमुखने अजित पवार यांना श्रद्धांजली वाहिली आहे. हेही वाचा : Ajit Pawar : मुख्यमंत्री देवेंद्र फडणवीस बारामतीकडे रवाना.! परिस्थितीचा प्रत्यक्ष आढावा घेणार