हैदराबाद एन्काउंटरची चौकशी व्हायला हवी

नवी दिल्ली – काही दिवसांपूर्वी हैदराबादमध्ये पशु वैद्यकीय डॉक्‍टरवर सामूहिक बलात्कार करून तिला नंतर जिवंत जाळण्यात आले होते. बलात्काराच्या या घटनेनंतर देशभरात रोष व्यक्त करण्यात आला होता. यानंतर न्यायालयाने आरोपींना १० दिवसांची पोलीस कोठडी सुनावली होती. परंतु, आरोपींना तातडीने शिक्षा सुनावली गेली पाहिजे, अशी प्रतिक्रिया सामान्यांनी व्यक्त केली होती.

दरम्यान, हे घृणास्पद कृत्य करणाऱ्या चारही आरोपींचा हैदराबाद पोलिसांनी आज त्याच ठिकाणी एन्काऊंटर केला असून, त्यांना मृत घोषित केले आहे. या प्रकरणानंतर सर्वसामान्यांकडून स्वागत होत असताना बुद्धीजीवी आणि राजकीय क्षेत्रातील व्यक्तींकडून मात्र घडलेला प्रकार अयोग्य असल्याचे मत व्यक्त होऊ लागले आहे.

सुप्रीम कोर्टाने दिलेल्या आदेशानुसार देशात झालेल्या प्रत्येक एन्काउंटरची चौकशी व्हायला हवी अशी मागणी एआयएमआयएमचे प्रमुख असदुद्दीन ओवेसी यांनी केली आहे. ओवेसी यांच्याबरोबरच काँग्रेसचे नेते शशी थरूर आणि मेनका गांधी यांनीही विरोधी मत व्यक्त केले आहे.

मेनका गांधी यांनी या एन्काऊंटरला भयानक म्हटलं आहे. जे झालं ते देशासाठी अतिशय भयानक आहे, केवळ तुम्हाला तसं करायचंय, म्हणून तुम्ही लोकांचा जीव घेऊ शकत नाहीत. तुम्ही कायद्याला हातात घेऊ शकत नाहीत. त्या आरोपींना न्यायालयाकडून फाशी मिळणार होतीच. असं गांधींनी म्हंटलं आहे. संसदभवन परिसरात माध्यमांशी बोलताना मनेका गांधींनी आपलं मत परखडपणे मांडलं.

Leave A Reply

Your email address will not be published.