काचेच्या गगनचुंबी इमारती आणि पूल बांधण्याच्या बाबतीत चीन अनेकदा नवीन प्रयोग करून जगाचे लक्ष वेधून घेतो. बर्याच वेळा हे प्रयोग चीनच्या नागरिकांसाठी घातक ठरतात. चीनमधील लाँगजिंग शहरातील पियान माउंटनवर बनविलेल्या काचेच्या पुलावरील घटना हे त्याच ताज उदाहरण आहे. किंबहुना, जोरदार वादळात आकर्षणाचे केंद्रबिंदू असलेला चीनचा काचेचा पूल तुटून पडला, ज्यामुळे या पुलावर फिरणे एका पर्यटकाच्या जीवावर बेतले होते; मात्र दैव बलवत्तर होते, म्हणून तो वाचला.
जोरदार वादळामुळे काचेच्या पुलाचे तुकडे झाल्यानंतर हा युवक 330 फूट उंचीवर हवेत लटकत राहिला. या अपघाताची छायाचित्रे चिनी सोशल मीडियावर व्हायरल होत आहेत. तेव्हापासून चीनमधील या काचेच्या पुलाच्या मजबुतीच्या दाव्यावर प्रश्न उपस्थित होत आहेत.
ही घटना गेल्या शुक्रवारी घडली, जेव्हा ताशी 90 किमी वेगाने वारे वाहत होते. लाँगजिंग शहरातील पियान माउंटन येथे बांधलेला हा काचेचा पूल तुटला. या पुलावरून एक तरुण आपला जीव वाचवण्याचा प्रयत्न करताना दिसणारा फोटो पहिल्यांदा चिनी सोशल मीडिया प्लॅटफॉर्म वेइबो वर शेअर केला गेला. येथे सुमारे 40 लाख व्हियूज प्राप्त झाले आहेत. काचेच्या पुलावर हा तरुण कसा तरी आपला जीव वाचवत असल्याचे त्यात दिसत आहे. जोरदार वाऱ्यामुळे हा तरुण तुटलेल्या पुलाचे रेलिंग पकडून आहे.
असा वाचला पर्यटकाचा जीव
माध्यमांच्या वृत्तानुसार हा माणूस काही काळ तुटलेल्या काचेच्या पुलावर अडकला होता. अग्निशमन अधिकारी, पोलिस आणि पर्यटन कर्मचाऱ्यांच्या मदतीने त्याने कसेबसे रांगत-रांगत येऊन आपला जीव वाचविला. पुलावरुन खाली उतरविल्यानंतर त्या तरुणाला प्रथम जवळच्या रुग्णालयात नेले गेले, तिथे त्याचे समुपदेशन करण्यात आले.
लोकांनी वादळाचे वर्णन केले – ‘भयानक स्वप्न’ !
हे छायाचित्र पाहिल्यानंतर लोकांनी त्याचे ‘भयानक स्वप्न’ असल्याचे वर्णन केले. एका वापरकर्त्याने सांगितले की हे वास्तविक जीवनात घडलेल्या अनेक भितीदायक स्वप्नात पाहिले जाते. दुसर्याने सांगितले की ते भयंकर आहे. घटनेनंतर रिसॉर्ट थोड्या काळासाठी बंद करण्यात आला होता.