पुणे – पुणे महानगर परिवहन महामंडळाच्या (पीएमपीएमएल) ताफ्यात पुढील दोन महिन्यांत नवीन बस दाखल होणार आहेत. या नवीन बससाठी पीएमपीत 600 चालकांची भरती अंतिम टप्प्यात आल्याची माहिती, पीएमपी प्रशासनाने दिली आहे.
पीएमपीच्या ताफ्यात फेब्रुवारी महिन्याच्या अखेरपर्यंत 100 ते 150 बसची संख्या वाढणार असल्याने प्रवाशांची गैरसोय दूर होण्यास मदत होणार आहे. पीएमपीच्या ताफ्यात मागील सहा महिन्यांत 120 ई-बस दाखल झाल्या आहेत. त्यापूर्वी, 235 मिडी बस व 400 सीएनजी बस पीएमपीच्या ताफ्यात दाखल होऊनही पुरेशे चालक नसल्याने काही दिवसांपूर्वी बस उभ्या रहात असल्याचा प्रकार समोर आला.
सध्या काही चालक कंत्राटी असून त्यांनाही कायमस्वरूपी करण्याची प्रक्रिया सुरू आहे. तसेच, पात्र उमेदवारांची भरती प्रक्रिया अंतिम टप्प्यात आली असून उपलब्ध बसनुसार नवीन चालकांच्या नियुक्त्या करण्यात येणार आहे.
– अजय चारठाणकर, सह व्यवस्थापकीय संचालक, पीएमपीएल