‘त्या’ ट्विटबद्दल निवडणूक आयोगाकडून किरण खेर यांना नोटीस

नवी दिल्ली – बॉलिवूड मधील अभिनेत्री आणि भारतीय जनता पक्षाच्या नेत्या किरण खेर यांना निवडणूक आयोगाने नोटीस बजावली आहे. किरण खेर यांनी आपल्या ट्विटर खात्यावरून निवडणूक प्रचारासाठी केलेल्या ट्विट मध्ये लहान मुले ‘आपले मत किरण खेर यांना आणि अबकी बार मोदी सरकार’ म्हणताना दिसत आहेत. त्यामुळे चंदीगड येथील निवडणूक अधिकाऱ्यांनी किरण खेर यांना नोटीस बजावत २४ तासांच्या आत उत्तर देण्यास सांगितले आहे.

दरम्यान, किरण खेर यांनी निवडणूक आयोगाच्या नोटीस संदर्भात प्रतिक्रिया देत जे काही झाले ते चुकीने झाले असल्याचे मान्य करत माफी मागितली आहे. किरण खेर या भारतीय जनता पक्षाच्या तिकिटावर चंदीगड येथून लोकसभा निवडणूक लढवीत आहेत.

डिजिटल प्रभातचे टेलिग्राम जॉईन करण्यासाठी येथे क्लिक करा

You might also like

Leave A Reply

Your email address will not be published.