प्राग : लहानमुलांपासून ते वृद्धापर्यंत सर्वांना पोट धरून हसायला लावणाऱ्या टॉम अँड जेरीचे दिग्दर्शक जीन डेच यांचे निधन झाले आहे. ते 95वर्षांचे होते. 16 एप्रिल रोजी चेक प्रजासत्ताकमधील प्राग शहरातील राहत्या घरी त्यांचं निधन झालं. जीन यांचे संपूर्ण नाव युजीन मेरील डेच असं होतं. त्यांच्या मृत्यूची बातमी चेक प्रजासत्ताकमधील जीन यांचे प्रकाशक पीटर हिमेल यांनी दिली आहे.
जीन डेच यांनी लष्कारासाठी देखील काम केले आहे. शिवाय त्यांनी वैमानिक होण्याचे प्रशिक्षण घेतलं. परंतु त्यानंतर आरोग्याशी निगडीत अडचणींमुळे त्यांना हे क्षेत्र सोडावं लागलं. त्यानंतर त्यांनी आपला मोर्चा ऍनिमेशन विश्वाकडे वळवला आणि संपूर्ण जगाला टॉम आणि जेरी ही भूरळ घालणारी पात्रे मिळाली.
पोपॉय कॉर्टून सिरीजची निर्मिती देखील त्यांनी केली होती. त्यांच्या कार्यकाळात त्यांना अनेक पुरस्कारांनी सन्मनीत देखील करण्यात आलं होतं. जीन यांच्या मागे त्यांची पत्नी आणि पहिल्या पत्नीची तीन मुले असा परिवार आहे.