‘त्या’ वक्तव्यावरून मुंबई काँग्रेसचे अध्यक्ष मिलिंद देवरा यांच्याविरोधात गुन्हा दाखल

मुंबई – मुंबई काँग्रेसचे अध्यक्ष आणि दक्षिण मुंबई लोकसभा मतदारसंघाचे उमेदवार मिलिंद देवरा यांच्याविरोधात गुन्हा दाखल करण्यात आला आहे. आचारसंहिता भंग केल्याप्रकरणी मिलिंद देवरा यांच्यावर गुन्हा दाखल करण्यात आला आहे. याअगोदर शिवसेनेने मिलिंद देवरा यांच्याविरोधात तक्रार दाखल केली होती.

निवडणुकीच्या काळात धार्मिक तेढ निर्माण करणारे वक्तव्य केल्यामुळे मिलिंद देवरा यांच्याविरोधात आचारसंहिता भंग केल्याचा गुन्हा दाखल करण्यात आला आहे. जैन मंदिराबाहेर शिवसेनेने मांस शिजविल्याचे विधान त्यांनी भुलेश्वर येथील आपल्या भाषणात केल्याची तक्रार, शिवसेनेने निवडणूक आयोगाकडे केली होती. त्यानंतर निवडणूक आयोगाने कारवाई करत मिलिंद देवरा यांना नोटीसही बजावली होती. त्यानंतर आज मिलिंद देवरा यांच्याविरोधात खोटे वक्तव्य केल्याप्रकरणी भादंवि १७१ आणि दोन समुदायांमध्ये निवडणूक काळात तेढ निर्माण केल्याप्रकरणी भादंवि १२५ या कलमांनुसार गुन्हा दाखल केला आहे.

FIR registered against Congress candidate from South Mumbai Milind Deora under section 171 of IPC ( giving false statements for elections) and section 125 of the presentation of people's act ( promoting enmity between classes in connection with elections). (file pic) pic.twitter.com/vlGe3433kA

— ANI (@ANI) April 21, 2019