कोरेगाव भीमाजवळील घटना
शिक्रापूर-अहमदनगर जिल्ह्यातील रुईछत्तीशी येथून अतितातडीने एका महिलेला प्रसूतीसाठी पुणे येथे घेऊन येणारी रुग्णवाहिकेचा अपघात होऊन उलटली. सुदैवाने कोणत्याही प्रकारची हानी झाली असून चालक व सदर रुग्णवाहिकेमधील डॉक्टरांना किरकोळ जखमा झाल्या आहे.
हा अपघात कोरेगाव भीमा नजीक वाडागाव फाटा येथे येथे झाला. याबाबत लक्ष्मण दादू ओव्हाळ (रा. लोहगाव, पुणे) यांनी शिक्रापूर पोलीस ठाण्यात फिर्याद दिली असून रुग्णवाहिका चालकावर गुन्हा दाखल झाला आहे. अहमदनगर येथे येथील रुग्णालयामध्ये एक महिला प्रसूतीसाठी आलेली दाखल झालेली असताना तिच्यावर आवश्यक असलेले उपचार अहमदनगर येथे होऊ शकत नसल्याने तिला उपचारासाठी पुणे येथील ससून रुग्णालयात घेऊन जाण्याचा निर्णय घेण्यात आला. त्यानंतर या महिलेला शासकीय रुग्णवाहिकेतून (एमएच 14 सीएल 1060) पुणे येथील ससून रुग्णालयात घेऊन जात असताना कोरेगाव भीमा नजीक वाडागाव फाटा येथे आल्यानंतर रस्ता ओलांडणाऱ्या या अल्टो कारला (एमएच 12 क्यूएफ 1682) रुग्णवाहिकेची धडक बसली. यामध्ये रुग्णवाहिका जागेवरच उलटली.