fbpx

काश्‍मीरमध्ये दहशतवाद्यांकडून पोलीस अधिकाऱ्याची हत्या

श्रीनगर – जम्मू-काश्‍मीरमध्ये सोमवारी दहशतवाद्यांनी एका पोलीस अधिकाऱ्याची गोळ्या घालून हत्या केली. ती घटना अनंतनाग जिल्ह्यात घडली. मोहम्मद अश्रफ बट असे हत्या झालेल्या अधिकाऱ्याचे नाव आहे.

बट एका मशिदीत नमाज पठणासाठी गेले होते. तिथून घरी परतत असताना दहशतवाद्यांनी त्यांच्यावर गोळीबार केला. त्यामध्ये गंभीर जखमी झालेल्या बट यांना उपचारासाठी तातडीने रूग्णालयात हलवण्यात आले. मात्र, वाटेतच त्यांचे निधन झाल्याचे डॉक्‍टरांनी स्पष्ट केले.

निरीक्षक पदावर कार्यरत असणारे बट पुलवामा जिल्ह्यातील पोलीस प्रशिक्षण केंद्रात रूजू होते. दरम्यान, पुलवामा जिल्ह्यात दहशतवाद्यांनी केंद्रीय राखीव पोलीस दलाच्या (सीआरपीएफ) पथकाला लक्ष्य करून गोळीबार केला. त्यामध्ये एक जवान जखमी झाला.

गोळीबारानंतर दहशतवाद्यांनी घटनास्थळावरून पलायन केले. त्यांच्या शोधासाठी मोहीम हाती घेण्यात आल्याचे समजते.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

Leave A Reply

Your email address will not be published.