टेनिस : श्रावी देवरे, वेदांत जोशी, अवनीश चाफळे, अर्चित धूत यांचे विजय

आयकॉन ग्रुप लिटिल चॅम्पियनशिप सिरीज टेनिस स्पर्धा

पुणे  – पीएमडीटीए यांच्या तर्फे आयोजित चौथ्या आयकॉन ग्रुप लिटिल चॅम्पियनशिप सिरीज 2019 स्पर्धेत श्रावी देवरे, वेदांत जोशी, अवनीश चाफळे, अर्चित धूत, निव कोठारी या खेळाडूंनी आपापल्या प्रतिस्पर्ध्यांचा पराभव करून आगेकूच केली.

श्री शिवछत्रपती क्रीडा संकुल, म्हाळुंगे बालेवाडी येथील टेनिस कोर्टवर सुरु असलेल्या या स्पर्धेत उपांत्यपूर्व फेरी 8 वर्षाखालील मुलींच्या गटात श्रावी देवरे हिने अव्वल मानांकित सान्वी राजूचा 5-2 असा सहज पराभव करून सनसनाटी निकालाची नोंद केली.

मुलांच्या गटात वेदांत जोशी याने सहाव्या मानांकित युगंधर शास्त्रीवर 5-2 असा विजय मिळवला.
12 वर्षाखालील मुलांच्या गटात उप-उपांत्यपूर्व फेरीत नवव्या मानांकित अवनीश चाफळेने सहाव्या मानांकित अमोघ दामलेचा 6-3 असा सहज पराभव करून अनपेक्षित निकाल नोंदविला.

पंधराव्या मानांकित अर्चित धूत याने आठव्या मानांकित ध्रुव लागडेला 6-2 असे पराभूत केले. अथर्व येलभर याने राजवीर पाडाळेचा टायब्रेकमध्ये 6-5(6) असा पराभव करून उपांत्यपूर्व फेरीत धडक मारली. बिगरमानांकीत तेज ओकने सोळाव्या मानांकित शिवम पाडियाला 6-1 असे नमविले.

डिजिटल प्रभातचे टेलिग्राम जॉईन करण्यासाठी येथे क्लिक करा

You might also like

Leave A Reply

Your email address will not be published.