वाराणसी – सैनिकांना मिळणाऱ्या अन्नाच्या गुणवत्तेवर आवाज उठवत सोशल माध्यमांवर व्हिडिओ प्रसारित करणाऱ्या, सीमा सुरक्षा दलातील बडतर्फ जवान तेज बहादूर यादव यांना समाजवादी पक्षाने आगामी लोकसभेसाठी उमेदवारी दिली आहे. समाजवादी पक्षाने जवान तेज बहादूर यादव यांना वाराणसी लोकसभा मतदार संघातून उमेदवारी निश्चित केली आहे.
सेना के जवान तेज़ बहादुर जी को वाराणसी से समाजवादी पार्टी का टिकट दिया गया है।
— Samajwadi Party (@samajwadiparty) April 29, 2019
यापूर्वी वाराणसी लोकसभा मतदार संघातून समाजवादी पक्षाने शालिनी यादव यांना उमेदवारी देण्यात आली होती. त्यानंतर आता यामध्ये बदल करत समाजवादी पक्षाने नरेंद्र मोदी यांच्या विरोधात जवान तेज बहादूर यादव यांना मैदानात उतरवले आहे.
SP changes candidate from Varanasi LS Constituency; gives ticket to Tej Bahadur Yadav (BSF constable who was dismissed from service after he had released video last year on quality of food served to soldiers). Earlier, SP's Shalini Yadav had filed her nomination from Varanasi. pic.twitter.com/OihDeRt6bh
— ANI UP/Uttarakhand (@ANINewsUP) April 29, 2019
बीएसएफच्या जवानांना निकृष्ट दर्जाचे अन्न पुरवले जात असल्याची तक्रार केल्यामुळे सुमारे दोन वर्षांपूर्वी त्यांचे नाव मोठ्या चर्चेत आले होते. सुरक्षा दलांमधील भ्रष्टाचार संपवण्याच्या इराद्याने मी निवडणूक लढवणार आहे. मी सेवेत असताना भ्रष्टाचाराचा मुद्दा उपस्थित केला. मात्र, मला बडतर्फ करण्यात आले, अशी भावना जवान तेज बहादूर यादव यांनी यावेळी बोलून दाखवली.
नियंत्रण रेषेच्या (एलओसी) लगत जम्मू-काश्‍मीरच्या बर्फाळ, पर्वतमय भागांत तैनात असणाऱ्या जवानांना हलक्‍या दर्जाचे अन्न पुरवले जाते अशी तक्रार करणारा व्हिडीओ यादव यांनी 2017 मध्ये सोशल मीडियावर अपलोड केला होता. त्या व्हिडीओवरून वादंग निर्माण झाले होते. त्यानंतर बेशिस्तीच्या आरोपावरून यादव यांना बीएसएफच्या सेवेतून बडतर्फ करण्यात आले होते.
