केपटाऊन – दीप्ती शर्माची गोलंदाजी व शफाली वर्मा, कर्णधार हमनप्रीत कौर आणि रिचा घोष यांनी केलेल्या अफलातून फलंदाजीच्या जोरावर भारताच्या महिला संघाने वेस्ट इंडीज महिला संघाचा 6 गडी राखून पराभव केला. या विजयाच्या जोरावर भारतीय संघाने आयसीसी महिला टी-20 विश्वकरंडक क्रिकेट स्पर्धेत सलग दुसरा विजय नोंदवला.
#TeamIndia register their second consecutive victory in the #T20WorldCup! 👌🏻
For her economical three-wicket haul, @Deepti_Sharma06 receives the Player of the Match award 👏🏻👏🏻
Scorecard ▶️ https://t.co/OwonYGMAQX…#INDvWI pic.twitter.com/epH7XjwABJ
— BCCI Women (@BCCIWomen) February 15, 2023
वेस्ट इंडीजने विजयासाठी दिलेल्या 119 धावा भारतीय संघाने 11 चेंडू व 6 गडी राखून पूर्ण करत थाटात विजय मिळवला. भारताच्या डावाची सुरुवात स्टार फलंदाज स्मृती मानधना व शफालीने आक्रमक केली. मानधना पहिला सामना खेळली नव्हती. त्यामुळे तीच्या कामगिरीकडे लक्ष होते. मात्र, तिने साफ निराशा केली. ती अवघ्या 10 धावांवर बाद झाली.
शफालीने 28 धावांची आक्रमक खेळी केली. या खेळीत तीने 23 चेंडूत 5 चौकार फटकावले. ती देखील बाद झाली व संघ संकटात आला. जेमिमा रॉड्रीक्सही अपयशी ठरली. त्यावेळी कर्णधार हरमनने रिचाला साथीला घेत डाव सावरला. या जोडीने चौथ्या गड्यासाठी अर्धशतकी भागीदारी केली व संघाचा विजय दृष्टीपथात आणला.
अवघ्या 4 धावांची गरज असताना हरमन अनावश्यक फटका मारून बाद झाली. तिने 42 चेंडूत 3 चौकारांच्या मदतीने 33 धावा केल्या. रिचाने 44 धावांची खेळी करताना 32 चेंडूत 5 चौकार फटकावले. तीने विजयी चौकार फटकावला व संघाचा विजय साकार केला. वेस्ट इंडीजकडून करिष्मा रामहरकने 2 गडी बाद केले.
#INDvAUS 2nd Test : दुसरा कसोटी सामना पाहण्यासाठी तोबा गर्दी होणार
तत्पूर्वी, वेस्ट इंडीजची कर्णधार हॅली मॅथ्युजने नाणेफेक जिंकत पहिल्यांदा फलंदाजी करण्याचा निर्णय घेतला. डावाची सुरूवातही मॅथ्युजनेच केली मात्र, ती बाद झाली त्यावेळी संघाच अवघ्या 4 धावा होत्या. त्यानंतर मात्र, स्टेफनी टेलर 42 व शेमेन कॅम्पबेल 30 यांनी अर्धशतकी भागीदारी करत डाव सावरला. यावेळी वेस्ट इंडीज मोठी धावसंख्या उभारेल असेच चित्र होते. मात्र, भारताच्या संमिश्र गोलंदाजांनी चित्र बदलले.
दीप्ती शर्माने या दोघींना बाद केले. लगेचच शीनले हेनरी धावबाद झाली. शेदेन नेशन 21 व शबीका गजनबी 15 यांनी संघाचे शतक फलकावर लावले. त्यानंतर दीप्तीने पुन्हा एकदा आपल्या गोलंदाजीची जादू दाखवली व वेस्ट इंडीजचा डाव बारतीय संघाने अवघ्या 118 धावांवर रोखला. भारताकडून दीप्ती शर्माने 3 गडी बाद केले.
धावफलक –
वेस्ट इंडीज महिला संघ – 20 षटकांत 6 बाद 118 धावा. (स्टेफनी टेलर 42, शेमेन कॅम्पबेल 30, शेदेन नेशन 21, शबीका गजनबी 15, दीप्ती शर्मा 3-15, पूजा वस्त्रकार 1-21, रेणूका सिंग 1-22).
भारत – 18.1 षटकांत 4 बाद 119 धावा. (शफाली वर्मा 28, हरमनप्रीत कौर 33, रिचा घोष नाबाद 44, करिष्मा रामहरक 2-14).