Tamilnad Election Results 2026 : पश्चिम बंगाल, तामिळनाडू, आसाम, केरळ आणि पद्दुचेरी या पाचही ठिकाणी आता मतमोजणीला सुरुवात झाली आहे. सुरुवातीला पोस्टल मतांची मोजणी सुरु झाली आहे. यातील तामिळनाडू विधानसभेच्या निवडणुकीच्या मतमोजणीत आतापर्यंत समोर आलेल्या कलांनुसार, डीएमके पक्ष आघाडीवर असल्याचं दिसत आहे. सुरुवातीच्या कलांनुसार डीएमकेने (DMK) २९ जागांवर आघाडी घेतली आहे, तर विजयच्या नव्याने स्थापन झालेल्या पक्षाने ८ जागांवर आघाडी मिळवली आहे. दुसरीकडे, एआयएडीएमके (AIADMK) मात्र केवळ तीन जागांवर पुढे आहे. Tamilnadu Vidhan Sabha Election तामिळनाडूत 234 जागांसाठी झालेल्या मतदानाचा कल एम. के. स्टॅलिन यांच्या बाजूने झुकलेला दिसत आहे. दरम्यान, तामिळनाडू विधानसभेच्या २३४ जागांसाठी २३ एप्रिल रोजी मतदान झाले असून बहुमताचा ११८ हा आकडा आहे. तर दुसरीकडे सिनेविश्वातील लोकप्रिय चेहरा असलेला अभिनेता थलपती विजय यांचा टीव्हीके पक्ष देखील निवडणुकीच्या रिंगणात होता. त्यामुळे याच्या पक्षाला किती जागा मिळतात, यावर तामिळनाडू सत्तेची गणिते अवलंबून असणार आहेत. वाढलेला मतदानाचा टक्का गणित बदलणार? दररम्यान, तामिळनाडूमध्ये देखील ८५.१४ टक्क्यांसह मतदानाचे सर्व जुने विक्रम मोडले गेले आहेत. मतदानाचा हा वाढलेला टक्का नेमकी कोणाची सत्ता उलथवून लावणार, हे दुपारपर्यंत स्पष्ट होईल. सध्या सर्वच मतमोजणी केंद्रांवर कडक सुरक्षा व्यवस्था तैनात करण्यात आली आहे. हेही वाचा: Election Results 2026 : देशातील पाच राज्यांच्या मतमोजणीला सुरुवात; पहिले कल समोर…