Factory fire news : तामिळनाडूच्या विरुधुनगर जिल्ह्यात रविवारी एका फटाक्यांच्या कारखान्यात भीषण स्फोट झाला. या दुर्घटनेत आतापर्यंत 16 कामगारांचा मृत्यू झाला असून 6 जण गंभीर जखमी झाले असून त्यांना उपाचारासाठी रुग्णालयात दाखल करण्यात आले आहे. तर इतर अनेकजण ढिगाऱ्याखाली दबले असण्याची शक्यता वर्तवली जात आहे. (Factory fire news) समोर आलेल्या माहितीनुसार, हा भीषण स्फोट कट्टनारपट्टी परिसरातील एका क्रॅकर युनिटमध्ये झाला. त्यानंतर आजूबाजूच्या चार युनिट्सना आग लागली. या घटनेनंतर परिसरात एकच गोंधळ उडाला असून प्रशासनाकडून तत्काळ बचावकार्य सुरू करण्यात आले आहे. (Factory fire news) हा स्फोट इतका भीषण होता की आजूबाजूच्या इमारतींनाही नुकसान झाले. या स्फोटाची माहिती मिळताच घटनास्थळी अग्निशमन दल, पोलीस आणि बचाव पथके दाखल झालू असून ढिगारा हटवून अडकलेल्या लोकांना बाहेर काढण्याचे काम करत आहेत. प्रशासनाने संपूर्ण परिसराला घेराव घातला असून कडक सुरक्षा व्यवस्था करण्यात आली आहे. (Factory fire news) फटाका कारखान्यात झालेल्या या स्फोटाचे नेमके कारण स्पष्ट झालेले नाही, मात्र प्राथमिक अंदाजानुसार फटाके तयार करताना सुरक्षा नियमांचे पालन न झाल्यामुळे हा अपघात झाला असावा. अधिकाऱ्यांनी या प्रकरणाच्या चौकशीचे आदेश दिले आहेत. स्थानिक प्रशासनाच्या मते, बचावकार्य वेगाने सुरू असून परिस्थितीवर सतत लक्ष ठेवले जात आहे. मुख्यमंत्र्यांकडून बचाव कार्य वेगाने करण्याचे आदेश या दुर्घटनेबाबत तमिळनाडूचे मुख्यमंत्री एम. के. स्टालिन यांनी दुःख व्यक्त केले. त्यांनी म्हटले की, ‘विरुधुनगर जिल्ह्यातील कट्टनापट्टी येथे फटाक्यांच्या कारखान्यात झालेल्या स्फोटात अनेकांचा मृत्यू झाल्याची बातमी अत्यंत वेदनादायक आहे. आपल्या प्रियजनांना गमावलेल्या कुटुंबीयांप्रती माझ्या मनःपूर्वक संवेदना आहेत.’ मुख्यमंत्र्यांनी मंत्री के. के. एस. एस. आर. रामचंद्रन आणि थंगम थेन्नारासु यांना तात्काळ घटनास्थळी पोहोचून बचावकार्य वेगाने करण्याचे, त्यावर देखरेख ठेवण्याचे निर्देश दिले आहेत. तसेच या घटनेची माहिती मिळताच जिल्हाधिकाऱ्यांशी संपर्क साधून सर्व आवश्यक मदत उपलब्ध करून देण्याच्या सूचना स्टालिन यांनी दिल्या आहेत. (Factory fire news)