दमिश्क – गगनाला वाढलेली महागाई आणि देशाची खालावलेली अर्थव्यवस्थेच्या पार्श्वभूमीवर सीरियाने रविवारी पाच हजार पाउंडची नवी नोट जारी केली आहे. या चलानाला सीरियाई लीराही म्हटले जाते.
आता सीरियाच्या चलनात ही सगळ्यांत मोठी नोट असणार आहे. बाजाराच्या गरजा पूर्ण करण्याच्या उद्देशाने ही नोट जारी करण्यात आली असल्याचे त्या देशाच्या केंद्रीय बॅंकेने म्हटले आहे.
सीरियात गेले दशकभर अंतर्गत संघर्ष सुरू आहे. त्यामुळे चलन लीरा हे दिवसेंदिवस दुबळे होत चालले आहे. दशकभरापूर्वी एक डॉलर 47 लीरा मूल्याचा होता. आता लीरा कमकुवत झाल्यावर 1 डॉलरचे मूल्य 1250 लीरा झाले आहे. खुल्या बाजारात तर ते 2500 पर्यंत गेले आहे.