Supriya Sule on Ajit Pawar । राज्यातील विधानसभा निवडणुकीत काही विधानसभा मतदारसंघाची चांगलीच चर्चा आहे . त्यात सर्वात जास्त चर्चेत बारामती हा मतदारसंघ आहे. या मतदारसंघात अजित पवार आणि शरद पवार यांची प्रतिष्ठा पणाला लागली आहे.याठिकाणी युगेंद्र पवार आणि अजित पवार यांच्यात सरळ -सरळ सामना होणार आहे. दरम्यान, दोन्ही गटाकडून आपले शक्तिप्रदर्शन करण्यात येत आहेत.याचाच एक भाग म्हणून दोन्ही पवारांकडून आज बारामतीमध्ये दिवाळी पाडव्याचे आयोजन करण्यात आले आहे. यावरच राष्ट्रवादी (शरद पवार गट) पक्षाच्या नेत्या तथा खासदार सुप्रिया सुळे यांनी एका वाक्यात प्रतिक्रिया दिली आहे.
हे दिल्लीच्या अदृश्य शक्तीचे यश Supriya Sule on Ajit Pawar ।
अजित पवारांच्या दिवाळी पाडव्यावर प्रतिक्रिया देताना सुप्रिया सुळे यांनी प्रतिक्रिया दिली. “राजकारण चालू राहील. सध्या दिवाळीचा सण आहे. त्यामुळे आपण दिवाळी साजरी करूयात, असे म्हणत सुप्रिया सुळे यांनी राजकारणावर भाष्य करणे टाळले. आज काटेवाडी या गावात अजित पवार यांनीदेखील त्यांचा स्वत:चा पाडवा आयोजित केला आहे.
सकाळपासून त्यांना अनेक कार्यकर्ते भेटायला जात जात आहेत. यावरही सुप्रिया सुळे यांनी प्रतिक्रिया दिली. “घरं फोडणे, पक्ष फोडणे असले उद्योग दिल्लीची अदृश्य शक्ती करते. त्यामुळे हे सगळं दिल्लीच्या अदृश्य शक्तीचे यश आहे,” अशी दोन वाक्यात सुप्रिया सुळे यांनी प्रतिक्रिया व्यक्त केली.
1967 सालापासून दिवाळी पाडव्याचे आयोजन Supriya Sule on Ajit Pawar ।
प्रत्येक दिवळीला शरद पवार यांच्याकडून बारामतीत दिवाळी पाडव्याचे आयोजन केले जाते. या दिवशी सर्व पवार कुटुंब एकत्र येते. या दिवशी शरद पवार हे लोकांना दिवाळीच्या शुभेच्छा देतात. यावेळी मात्र अजित पवार यांनी काटेवाडी येथे आपल्या वेगळ्या दिवाळी पाडव्याचे आयोजन केले आहे. त्यावर सुप्रिया सुळे यांनी प्रतिक्रिया दिली आहे. शरद पवार हे 1967 साली पहिल्यांदा आमदार झाले. तेव्हापासून दरवर्षी आमच्याकडे हा अपक्रम आयोजित केला जातो, असे सुप्रिया सुळे यांनी सांगितले.
पवारांच्या पाडव्याला युगेंद्र पवार उपस्थित
दरम्यान, गोविंदबागेत आयोजित करण्यात आलेल्या पाडव्याला शरद पवार यांच्यासोबतच बारामतीचे राष्ट्रवादी (शरद पवार) पक्षाचे उमेदवार युगेंद्र पवार हेदेखील उपस्थित आहेत. सुप्रिया सुळे, युगेंद्र पवार आणि शरद पवार हे या कार्यक्रमात लोकांच्या शुभेच्छांना शुभेच्छा देत आहेत. तर दुसरीकडे शरद पवार यांच्या पाडव्याला राष्ट्रवादीचे (शरद पवार गट) नेते रोहित पवार हे उपस्थित नव्हते. याबाबत विचारल्यावर रोहित पवार हे सध्या प्रचारात आहेत. ते या निवडणुकीत उमेदवार आहेत, असे सुप्रिया सुळे यांनी सांगितले.
