नवी दिल्ली : लैंगिक शोषण प्रकरणात आसाराम बापूला आज सर्वोच्च न्यायालयाने झटका दिला आहे. आज झालेल्या सुनावणीत न्यायालयाने आसाराम बापूचा जामीन अर्ज फेटाळला आहे. अल्पवयीन मुलीचे लैंगिक शोषण आणि बलात्कार केल्याचा आरोप आसाराम बापूवर आहे. सुरत येथील न्यायालयाने आसारामचा मुलगा नारायण साई याला बलात्कार प्रकरणात जन्मठेपेची शिक्षा सुनावली होती. तर लैंगिक शोषणप्रकरणात आसाराम बापूची रवानगी तुरुंगात करण्यात आली आहे त्यालाही जन्मठेपेची शिक्षा सुनावण्यात आली आहे .
Supreme Court refuses to grant bail to Asaram in sexual assault case against him. SC says the trial needs to be completed first & also asked the trial court in Gujarat to complete the trial in the case. pic.twitter.com/SiMXOrG3nr
— ANI (@ANI) July 15, 2019
दरम्यान या प्रकरणात जामीन मिळावा यासाठी आसाराम बापूने सर्वोच्च न्यायालयात अर्ज दाखल केला होता. मात्र सर्वोच्च न्यायालयाने आसाराम बापूला दिलासा न देता त्याचा जामीन अर्ज फेटाळला आहे. स्वयंघोषित अध्यात्मिक गुरु आसाराम बापूला अल्पवयीन मुलीचे लैंगिक शोषण केल्याप्रकरणी जन्मठेपेची शिक्षा सुनावण्यात आली आहे. सप्टेंबर 2013 मध्ये आसारामबापूला इंदूर येथील आश्रमातून अटक करण्यात आली होती. आसारामचा मुलगा नारायण साईवरही बलात्काराचे आरोप आहेत त्यालाही जन्मठेपेची शिक्षा सुनावण्यात आली आहे.