Stock Market | अमेरिकेच्या अध्यक्षपदाच्या निवडणुकीच्या निकालानंतर दुसऱ्याच दिवशी शेअर मार्केट पुन्हा कोसळला आहे. आज शेअर बाजारात, BSE सेन्सेक्स पहिल्या 15 मिनिटांत 375.19 अंकांनी किंवा 0.47 टक्क्यांनी घसरून 80,002.94 वर आला. तर NSE चा निफ्टी 51.55 अंक किंवा 0.21 टक्क्यांच्या घसरणीसह 24,432.50 च्या पातळीवर व्यवहार करत आहे.
बँक निफ्टी आज सुरुवातीला 93.25 अंक किंवा 0.18 टक्क्यांच्या घसरणीसह 52224.15 अंकांवर व्यवहार करत होता. बाजार उघडल्यानंतर 10 मिनिटांनी बँक निफ्टी 104.60 अंकांनी घसरून 52,212 च्या पातळीवर आला होता. 12 बँक निफ्टी समभागांपैकी 5 समभाग तेजीच्या वेगाने आणि 7 समभाग कमजोरीच्या लाल चिन्हासह व्यवहार करत आहेत.
तर सेन्सेक्स, निफ्टी आणि बँक निफ्टीची सुरुवात घसरणीने झाली. आयसीआयसीआय बँक, रिलायन्स यांच्या घसरणीमुळे निफ्टीवर दबाव निर्माण झाल्याचे पहायला मिळत आहे.
सेन्सेक्स शेअर
आज सेन्सेक्समधील 30 पैकी 7 समभागांमध्ये वाढ तर 23 समभागांमध्ये घट दिसून येत आहे. वाढत्या समभागांमध्ये टाटा स्टील आणि टाटा मोटर्सचा समावेश आहे. वरील शेअर्समध्ये टाटा स्टील, जेएसडब्ल्यू स्टील, टाटा मोटर्स, एसबीआय, एचसीएल टेक यांची नावे आहेत. घसरलेल्या समभागांमध्ये अल्ट्राटेक सिमेंट, बजाज फिनसर्व्ह, सन फार्मा, टेक महिंद्रा, आयसीआयसीआय बँक, बजाज फायनान्स यांचा समावेश आहे.
निफ्टी शेअर
निफ्टीच्या 50 समभागांपैकी 14 समभागांमध्ये वाढ तर 36 समभाग घसरणीसह व्यवहार करत आहेत. अपोलो हॉस्पिटल्स, टाटा स्टील, टीसीएस, एचसीएल टेक आणि विप्रो हे आघाडीवर आहेत. घसरलेल्या समभागांमध्ये अदानी एंटरप्रायझेस, पॉवर ग्रीड, बीपीसीएल आणि बीईएलच्या नावांचा समावेश आहे.
बीएसईचे मार्केट कॅप 452.14 लाख कोटी रुपयांवर आले आहे आणि त्यात 3285 शेअर्सचे व्यवहार होत आहेत. तर 2143 शेअर्स वाढत आहेत आणि 1021 शेअर्स घसरत आहेत. 121 शेअर्समध्ये कोणताही बदल झालेला नाही.
हेही वाचा:
बाबा सिद्दीकी यांच्या हत्येबाबत असदुद्दीन ओवेसी यांचे मोठे वक्तव्य म्हणाले,’महाराष्ट्रात काय चाललं…’
