पुणे – पीवायसी हिंदु जिमखाना तर्फे आयोजित पहिल्या पीवायसी बास्केटबॉल लीग स्पर्धेत महिला गटात एसेस, पुरूष गटात विझार्ड्स,लेकर्स या संघांनी आपापल्या प्रतिस्पर्धी संघाचा पराभव करून विजयी सलामी दिली. पीवायसी बास्केटबॉल कोर्टवर शुक्रवारपासून सुरू झालेल्या या स्पर्धेत महिला गटात सलामीच्या लढतीत एसेस संघाने स्पार्क्स संघाचा १६-९ असा पराभव करून शानदार सुरुवात केली.

एसेस संघाकडून इशा हुमनाबादकरने १२ गुण करून संघाच्या विजयात मोलाचा वाटा उचलला. स्पार्क्सकडून आरवी सोनटक्केने (६ गुण) सुरेख कामगिरी केली. पुरुष गटात पहिल्या सामन्यात अपूर्व सोनटक्के (२४ गुण) याने केलेल्या विजयी कामगिरीच्या जोरावर विझार्ड्स संघाने ब्लेझर्स संघाचा २८-२६ असा संघर्षपूर्ण पराभव करून विजयी सलामी दिली. दुसऱ्या सामन्यात लेकर्स संघाने माव्हरिक्स संघाचा २०-१२ असा पराभव करून विजयी सुरुवात केली.

PAK vs NZ : बॅटऐवजी ग्‍लव्सच्या मदतीने पूर्ण केला रन, त्यातही केली मोठी चूक! रिझवानची ‘ही’ कृती पाहून तुम्हीही पोट धरून हसाल, पहा Video…

लेकर्स संघाकडून अंकुर शहाने (१४ गुण) उत्कृष्ट कामगिरी केली. स्पर्धेचे उदघाटन पीवायसी हिंदु जिमखानाचे अध्यक्ष कुमार ताम्हाणे, मानद सचिव सारंग लागु यांच्या हस्ते करण्यात आले. यावेळी क्लबचे खजिनदार चंद्रशेखर नानिवडेकर, क्लबच्या बास्केटबॉल विभागाचे सचिव अभिषेक ताम्हाणे, सिध्दार्थ भावे, सुवर्णा लिमये, कर्णा मेहता आदी उपस्थित होते.