पुणे – जिमनॅस्टिक मधील उल्लेखनीय कामगिरी बद्दल दोन वेळा नॅशनल चॅम्पियन जिमनॅस्ट म्हणून नावलौकिक मिळवलेल्या साहिल मरगजे याचा आयपीएस अधिकारी व अँटी करप्शन ब्युरोचे अतिरिक्त महासंचालक विश्वास नांगरे पाटील यांच्या हस्ते विशेष सन्मान करण्यात आला.
चिंतामणी ज्ञानपीठ व अप्पा रेणुसे मित्र परिवाराच्या वतीने आयोजित करण्यात आलेल्या ऐश्वर्य व्याख्यानमाले च्या तिसऱ्या पर्वात ‘कर हर मैदान फतेह’ या विषयावर आयोजित व्याख्यानमालेत नांगरे पाटील यांच्या हस्ते सन्मानित करण्यात आले. या वेळी नृत्यांगना स्वप्ना कुंभार, खेळाडू आलोक मनोज तोडकर आणि सायंटिस्ट आदेश फलफले यांना देखील गौरवण्यात आले.
साहिल ने २०१९ मध्ये दिल्ली येथील नॅशनल चॅम्पियन जिमनॅस्ट स्पर्धेत द्वितीय क्रमांक तसेच २०२३ मध्ये केरळ येथील नॅशनल चॅम्पियन जिमनॅस्ट स्पर्धेत द्वितीय क्रमांक पटकावला असून नॅशनल चॅम्पियन जिमनॅस्ट म्हणून नावलौकिक मिळविला आहे. सध्या तो राष्ट्रीय प्रशिक्षक सौरभ कोकाटे यांच्या मार्गदर्शना खाली जिमनॅस्टिकचे प्रशिक्षण घेत असून आंतरराष्ट्रीय स्तरावरील स्पर्धेसाठी तयारी सुरू केली आहे.
