दक्षिण आफ्रिकेचा दिग्गज फलंदाज हाशिम आमलाने क्रिकेटच्या सर्व फॉरमॅटमधून निवृत्तीची घोषणा केली आहे. मागील बऱ्याच काळापासून आमला आफ्रिकेच्या संघाबाहेर राहिला आहे. तसे पहिले तर आमलाने २०१९ मध्येच आंतरराष्ट्रीय क्रिकेटला अलविदा केला होता पण त्याने इंग्लंडच्या काउंटी क्रिकेटमध्ये खेळणे कायम ठेवले होते. मात्र, यापुढे आता सर्व क्रिकेटच्या प्रकारातून सन्यास घेत असल्याचे स्पष्ट केले आहे. याअगोदर दक्षिण आफ्रिकेच्या एबी डिव्हिलियर्सनेही क्रिकेटच्या सर्वच प्रकारातून निवृत्ती घेतलेली आहे. आयपीएलमध्ये डिव्हिलियर्सने आरसीबी संघाकडून बऱ्याच काळ क्रिकेट खेळलेले आहे. त्याचबरोबर आमलानेही आयपीएलमध्ये क्रिकेट खेळले आहे.
#INDvNZ : शुभमनचे धडाकेबाज द्विशतक | जाणून घ्या…ODI मध्ये व्दिशतक झळकवणाऱ्या इतर फलंदाजांची यादी
आमलाने आपल्या कारकिर्दीत सर्व फॉरमॅटमध्ये ३४ हजार १०४ धावा केल्या आहेत. तो दक्षिण आफ्रिकेसाठी सर्वाधिक धावा करणारा दुसरा खेळाडू आहे. त्याने आपल्या कारकिर्दीत २८ शतके आणि ४१ अर्धशतके केली आहेत. आफ्रिकेसाठी त्रिशतक झळकावणारा तो एकमेव फलंदाज आहे. त्याचबरोबर त्याची कसोटी क्रिकेटमधील सर्वोच्च धावसंख्या नाबाद ३११ अशी आहे. आमलाने १८१ एकदिवसीय सामन्यांमध्ये ४९.४६ च्या सरासरीने ८ हजार ११३ धावा केल्या आहेत. एकदिवसीय फॉरमॅटमध्ये त्याच्या नावावर २७ शतके आणि ३९ अर्धशतके आहेत. तसेच ४४ टी-२० सामन्यांमध्ये त्याने १ हजार २७७ धावा केल्या आहेत.
महाराष्ट्र केसरीनंतर आता क्रिकेटच्या मैदानावरही पंचांच्या निर्णयामुळे वाद, नेमकं काय घडलं…
निवृत्तीची घोषणा करताना आमला म्हणाला की, “माझ्याकडे ओव्हल मैदानावर खेळण्याच्या अद्भुत आठवणी आहेत. अशा ठिकाणी पुन्हा न खेळणे माझ्यासाठी खूपच भावनिक असणार आहे. शेवटी एक खेळाडू म्हणून या गोष्टींना सोडणे मला खूप कृतज्ञता वाटत आहे. येथील कर्मचारी, खेळाडू आणि सदस्यांनी माल पाठिंबा दिल्याबद्दल मनापासून धन्यवाद. याठिकाणी सर्व काही इतके प्रामाणिकपणे चालवले जाते की कोणत्याही आंतरराष्ट्रीय खेळाडूला सन्मानाची भावना वाटेल. मी त्यांना पुढील यशासाठी शुभेच्छा देतो.”
676 matches
34,104 runs
89 centuries
175 fiftiesAn extraordinary career comes to an end 👏
Hashim Amla has retired from professional cricket 🙇
Read more: https://t.co/6mfiAA4jft pic.twitter.com/jAF5T5wdYP
— ESPNcricinfo (@ESPNcricinfo) January 18, 2023