Pune Crime | रस्त्याने पायी जाणाऱ्या जेष्ठ नागरिकाच्या गळ्यातील सोनसाखळी हिसकाविली; मगरपट्टा सिटीतील घटना

पुणे, दि.16 – रस्त्याने पायी चाललेल्या एका जेष्ठ नागरिकाच्या गळ्यातील 70 हजारांची सोन्याची चेन दुचाकीस्वार चोरट्याने हिसका मारून तोडून नेली. ही घटना काल संध्याकाळी सहाच्या सुमारास मगरपट्टा सिटीतील आयरिसएम इमारतीच्या रस्त्यावर घडली. श्रीमंत हुलसुरे (61 ) यांनी हडपसर पोलिस ठाण्यात तक्रार दिली आहे.

पोलिसांनी दिलेल्या माहितीनुसार, शनिवार संध्याकाळी सहाच्या सुमारास श्रीमंत आयरिसएम इमारतीच्या रस्त्यावर चालत होते. त्यावेळी दुचाकीवर आलेल्या चोरट्याने त्यांच्या गळ्यातील 70 हजारांची सोन्याच चेन हिसका मारून तोडून नेली. याप्रकरणी सहायक पोलीस निरीक्षक एच. गायकवाड तपास करीत आहेत.

डिजिटल प्रभातचे टेलिग्राम जॉईन करण्यासाठी येथे क्लिक करा

You might also like

Comments are closed.