बाहेर कुठे जाताना पायात मोजे घालणे ही अगदीच सामान्य सवय आहे. ज्यांना पायांच्या भेगा किंवा तत्सम पायांचे काही रोग असतील तर असे लोक रात्रीही पायात मोजे घालून झोपतात. परंतु तुम्हाला जर कोणी रात्री झोपताना पायात ओले मोजे घालून झोपा असं म्हणालं तर… तुम्हाला हे जरा वेड्यासारखे वाटेल ना..?परंतु रात्री पायात ओले केलेले मोजे घालून झोपलात तर अनेक छोट्या-मोठ्या आजारांपासून आपण वाचू शकता.
एका आरोग्यविषयक संशोधनात हे सिद्ध झाले आहे. नुकत्याच करण्यात आलेल्या एका संशोधनात ओले मोजे रात्री पायात घालून झोपल्याचे अनेक फायदे असल्याचे समोर आले आहे. बऱ्याच दिवसांचा किंवा जुना ताप असेल किंवा त्यामुळे अशक्तपणा वाटत असेल तर व्हिनेगरच्या पाण्यात मोजे बुडवून ठेवा आणि झोपताना घाला.
यामुळे शरीराचे तापमान सामान्य होण्यास मदत होईल. तसेच ओले मोजे घातल्याने कफ कमी होण्यासही मदत होते. छातीत जळजळ अथवा जास्त कफ असल्यास एका भांड्यात दुध, थोडासा मध आणि दोन चिरलेले कांदे मिसळा आणि त्या मिश्रणात मोजे बुडवून ठेऊन रात्री झोपताना ते घालून झोपा छातीतील जळजळ कमी होते. असे अनेक प्रकार आहेत, ज्यामध्ये रात्री ओले मोजे घालून झोपण्याने फायदा होतो.