Danny Morrison asks Shubman Gill about marriage : आयपीएल टॉस प्रेझेंटर डॅनी मॉरिसन कधीकधी कर्णधारांना अशा पद्धतीने प्रश्न विचारतात की त्यांना धक्का बसतो. सोमवारी कोलकाता नाईट रायडर्स विरुद्ध गुजरात टायटन्स आयपीएल २०२५ सामन्याच्या टॉस दरम्यान असेच काहीसे घडले. मॉरिसनने गुजरात टायटन्सचा कर्णधार शुबमन गिलला लग्नाबद्दल प्रश्न विचारला या प्रश्नाचे उत्तर गिलने थोडक्यात दिले, जे सोशल मीडियावर व्हायरल होत आहे.
मॉरिसनने गिलला विचारला मजेशीर प्रश्न –
कोलकात्याच्या ईडन गार्डन्सवर केकेआरने टॉस जिंकून गोलंदाजी करण्याचा निर्णय घेतला. मॉरिसनने केकेआरचा कर्णधार अजिंक्य रहाणेशी थोडक्यात गप्पा मारल्या आणि त्यानंतर २५ वर्षीय गिल पुढे आला. तेव्हा मॉरिसनने गिलकडे पाहत मनोरंजक स्वरात विचारले, “तू छान दिसत आहेस, लग्नाची वेळ जवळ आली आहे की लवकरच लग्न करणार आहेस?” यावर गिल हसत म्हणाला, “नाही, असं काही नाहीये.”
Danny Morrison – You’re looking good, wedding bells around the corner? Getting married soon?
Shubman Gill – No, nothing like that.#KKRvsGT #GTvsKKR pic.twitter.com/lsQNjtqS3t
— Nature amazing (@Dkumar0125) April 21, 2025
मॉरिसनच्या प्रश्नावर चाहत्यांनी दिल्या प्रतिक्रिया –
🚨 Toss 🚨@KKRiders won the toss and elected to bowl against @gujarat_titans in Kolkata.
Updates ▶️ https://t.co/TwaiwD5D6n#TATAIPL | #KKRvGT pic.twitter.com/Rof135hqli
— IndianPremierLeague (@IPL) April 21, 2025
मॉरिसन आणि गिल यांच्यातील संभाषणावर क्रिकेट चाहते मोठ्या प्रमाणात प्रतिक्रिया देत आहेत. एका चाहत्याने टिप्पणी केली, “डॅनी मॉरिसनच्या धाडसी प्रश्नाला गिलने शांतपणे उत्तर दिले.” तो एक मजेदार क्षण होता. दुसऱ्याने लिहिले, टॉस दरम्यान इतर लोक विचारतात, जर तुम्ही टॉस जिंकला असता तर तुम्ही काय केले असते? त्याच वेळी, मॉरिसनने लग्नाबद्दल विचारले. तिसरा म्हणाला, “फक्त डॅनी मॉरिसनच गिलला लग्नाच्या योजनांबद्दल विचारू शकतो.”
हेही वाचा – Virender Sehwag : ‘ते इथे सुट्टी घालवण्यासाठी येतात…’, मॅक्सवेल-लिव्हिंगस्टनवर सेहवागने साधला निशाणा
शुबमन गिलच्या नेतृत्वाखालील गुजरात संघाने आयपीएल २०२५ मध्ये आतापर्यंत चांगली कामगिरी केली आहे. सात सामन्यांपैकी पाच विजयांसह गुजरात पॉइंट्स टेबलमध्ये अव्वल स्थानावर आहे. त्याच्या खात्यात १० गुण आहेत. गुजरातने त्यांच्या शेवटच्या सामन्यात दिल्ली कॅपिटल्सचा पराभव केला. दुसरीकडे, रहाणेच्या नेतृत्वाखालील केकेआरने ७ पैकी फक्त तीन सामने जिंकले आहेत. गतविजेता कोलकाता संघ गुणतालिकेत सातव्या स्थानावर आहे. गेल्या सामन्यात केकेआरला पंजाब किंग्जकडून पराभव पत्करावा लागला होता.
केकेआरला मिळाले १९९ धावांचे लक्ष्य –
सामन्याबद्दल बोलायचे, तर कर्णधार शुबमन गिल आणि साई सुदर्शन यांच्या अर्धशतकांच्या मदतीने गुजरात टायटन्सने केकेआरसमोर विजयासाठी १९९ धावांचे लक्ष्य ठेवले आहे. केकेआरने नाणेफेक जिंकून प्रथम गोलंदाजी करण्याचा निर्णय घेतला, परंतु गिल आणि सुदर्शन यांनी गुजरातसाठी शतकी भागीदारी केली, ज्यामुळे संघ २० षटकांत तीन गडी गमावून १९८ धावा करू शकला. गुजरातकडून गिलने ५५ चेंडूत १० चौकार आणि तीन षटकारांसह ९० धावांची सर्वाधिक धावसंख्या उभारली, तर सुदर्शनने ३६ चेंडूत सहा चौकार आणि एका षटकारासह ५२ धावा काढून बाद झाला.
