पुणे (बारामती) – बारामती तालुक्यातील माळेगांव बुद्रुक येथील दोन युवकाचा विषारी ताडी पिल्याने मृत्यू झालाय. तर तीन जणांची प्रकृती अद्याप चिंताजनक आहे. त्यांच्यावर बारामतीतील सिल्व्हर ज्युबली या सरकारी दवाखान्यात उपचार सुरू आहेत.राजू लक्ष्मण गायकवाड व हनुमंता मारुती गायकवाड अशी मृत्यू झालेल्या युवकांची नांवे आहेत. बारामती तालुक्यातील विषारी ताडी पिल्याने मृत्यू होण्याची ही चौथी घटना आहे..
विषारी ताडी पिऊन युवकांचा मृत्यू होत असताना देखील राज्य उत्पादन शुल्क आणि पोलीस यंत्रणा बारामती तालुक्यातील अवैद्य ताडीविक्रेत्यांवर कुठलीच ठोस कारवाई करत नसल्याचा गंभीर आरोप विषारी ताडीचे सेवन केलेल्याच्या नातेवाईकांनी केला आहे.