Artillery Center Blast । नाशिकमधून एक अत्यंत दुर्दैवी बातमी समोर येत आहे. आर्टिलरी सेंटरमध्ये स्फोट झाल्याने दोन अग्निवीरांचा मृत्यू झाल्याची धक्कादायक घटना समोर आली आहे. सरावावेळी फायरिंग करत असताना स्फोट झाल्याने अग्निवीरांचा मृत्यू झाल्याचे सांगण्यात येत आहे. या घटनेमुळे सर्वत्र हळहळ व्यक्त केली जात आहे.
प्रशिक्षणादरम्यान फायरिंग ; अचानक स्फोट Artillery Center Blast ।
पोलिसांनी दिलेल्या माहितीनुसार, नाशिकच्या आर्टिलरी सेंटरमध्ये अग्निवीरांना प्रशिक्षण दिले जाते. काल दुपारी आर्टिलरी सेंटरमध्ये अग्निवीरांचा सराव सुरु होता. याच प्रशिक्षणादरम्यान फायरिंग करत असताना अचानक स्फोट झाला. यामुळे आर्टिलरी सेंटरमध्ये एकच खळबळ उडाली होती.
स्फोट झाल्याने दोन अग्निवीरांचा मृत्यू Artillery Center Blast ।
सराव सुरु असताना स्फोट झाल्याने यात दोन अग्निवीर गंभीर जखमी झाले. गोहिल सिंग आणि सैफतत शीत असे या अग्निवीरांचे नाव आहे. मात्र आता या दोघांचाही मृत्यू झाल्याची माहिती समोर येत आहे. या घटनेमुळे हळहळ व्यक्त केली जात आहे.
दरम्यान, भारत सरकारने सैन्यदलात सेवा बजावण्यासाठी इच्छुक असलेल्या सुशिक्षित तरुणांसाठी अग्निपथ योजनेअंतर्गत अग्निविरांची भरती केली जाणार असल्याची घोषणा केली होती. याअंतर्गत नाशिकरोड येथील तोफखाना केंद्रात देशाच्या कानाकोपऱ्यातून तरुण मागील वर्षी दाखल झाले होते. सुशिक्षित बेरोजगारांना नोकरीची संधी उपलब्ध करुन देण्याच्या उद्देशाने देशभरात 25 हजार तरुणांना अग्निवीर म्हणून सैन्यात भरती करण्यात आले.
