रांजणगाव गणपती – कारेगाव (ता. शिरूर) ग्रामपंचायतच्या सरपंच पदी वृषाली प्रशांत गवारे यांची बिनविरोध निवड करण्यात आली आहे. निवडणूक निर्णय अधिकारी संजीव पुंडलीक साळवे यांनी ही माहिती दिली.
मावळत्या सरपंच निर्मला शुभम नवले यांनी राजीनामा दिल्याने सरपंच पदाच्या निवडणुकीत गवारे यांचा एकमेव अर्ज आल्याने वृषाली गवारे यांची सरपंच पदी बिनविरोध निवड करण्यात आली.
कारेगावच्या रिक्त झालेल्या सरपंच पदावर निर्मला नवले यांनी राजीनामा दिल्यानंतर उपसरपंच असलेल्या तुषार नवले यांची प्रभारी सरपंच म्हणून निवड करण्यात आली होती. मात्र अगदी दोन दिवस पदभार स्वीकारल्यानंतर सरपंच पदाची निवडणूक लावण्याची ग्रामपंचायत सदस्य आणि अधिकारी यांनी तयारी केली. त्याच अनुषंगाने (दि. १८) रोजी वृषाली प्रशांत गवारे यांचा एकमेव अर्ज आल्याने त्यांची बिनविरोध निवड झाल्याची घोषणा निवडणूक निर्णय अधिकारी संजीव पुंडलीक साळवे यांनी केली.
यावेळी उपसरपंच तुषार नवले, माजी सरपंच निर्मला शुभम नवले, संदीप नवले, अजित कोहोकडे, सोनाली नवले, शहाजी तळेकर, तेजस फलके, नागेश शेलार, जयश्री कोहोकडे, हौसाबाई जगताप, शुभम नवले, संदीप गवारे, ग्रामविकास अधिकारी किसन बिबे, तलाठी रवींद्र जाधव, उपस्थित होते.
