मुंबई – बॉलीवूड अभिनेत्री शिल्पा शेट्टीचा पती राज कुंद्रा याच्यावर सॉफ्ट पॉर्नोग्राफी चित्रपट बनविल्याचा ठपका ठेवत पोलिसांनी अटक केली आहे.
राज कुंद्रावर सॉफ्ट पॉर्न चित्रपट बनविण्यासह तो ऍपवर अपलोड करण्याचाही आरोप करण्यात आला आहे. राज कुंद्राला अटक केल्यानंतर शिल्पा शेट्‌टीला ट्रोलिंगचा सामना करावा लागला.
शिल्पा शेट्टी लवकरच “हंगामा-2′ चित्रपटात झळकणार आहे. प्रणिता सुभाष यांनी नुकताच या चित्रपटातील एका गाण्याचा व्हिडिओ शेअर केला आहे. ज्यानंतर ट्रोलर्सने शिल्पावर निशाणा साधला. “हंगामा हो गया…’ या गाण्यात प्रणिताशिवाय शिल्पा शेट्टी, मीजान आणि परेश रावल दिसत आहे.
या सर्व प्रकरणावर ट्रोलिंग नंतर आता शिल्पाने पहिल्यांदाच इन्स्टाग्रामवरुन व्यक्त झाल्याचं पहायला मिळत आहे. तिने पोस्ट मध्ये तिच्या मनातील खुसमट सांगण्याचा प्रयत्न केला आहे. या पोस्टमधून तिने येणारी सर्व आव्हान स्वीकारण्यास तयार असल्याचे संकेत दिेले आहेत.
शिल्पाने पोस्ट मध्ये लिहिले आहे की,’आपण भविष्याकडे पाहतानाही आपण अशा भीतीने जगतो की माझी नोकरी जाईल माझ्या जवळच्या व्यक्तीचे निधन होईल. मात्र असा विचार न करता आपण नेहमी वर्तमानात जगायला शिकले पाहिजे.’ असं म्हणत तिने आपली भूमिका मांडली आहे.
