पाकिस्तानचे पंतप्रधान इम्रान खान यांची कबुली
नवी दिल्ली : आंतरराष्ट्रीय स्तरावर भारताचा वारंवार विरोध करणाऱ्या पाकिस्तानने खुद्द कबुली देत दहशतवादाला आपण प्रशिक्षण देत असल्याचे म्हटले आहे. दहशतवादी संघटना मुजाहिद्दीनला पाकिस्तानने प्रशिक्षण दिले आहे. तसंच त्यावर पाकिस्तानच्या अर्थव्यवस्थेतील 100 दशलक्ष डॉलर्स म्हणजेच तब्बल सात लाख कोटी रूपयांचा खर्च केला असल्याचा गौप्यस्फोट खुद्द पाकिस्तानचे पंतप्रधान इम्रान खान यांनी केला आहे. गुरूवारी पाकिस्तानच्या गृहमंत्र्यांनी दहशतवादी पाकिस्तान सरकारच्या इशाऱ्यावर काम करत असल्याचे म्हटले होते. त्यानंतर आता पाकिस्तानच्या पंतप्रधानांनीच दहशतवादाबद्दल मोठं वक्तव्य केलं आहे.
Pak PM:The same groups who are all in Pakistan are supposed to say that now because Americans are there it is no longer jihad its terrorism. It was a big contradiction&I strongly felt that Pakistan should have been neutral because by joining in,these groups turned against us(2/3) https://t.co/gVjDtcxB1T
— ANI (@ANI) September 13, 2019
80 च्या दशकात सोव्हिएत संघाने अफगाणिस्तानवर ताबा मिळवला होता. त्यावेळी आम्ही मुजाहिद्दिन लोकांना त्यांच्याविरोधात जिहादाचे प्रशिक्षण देत होतो. त्यांना पाकिस्ताननेच प्रशिक्षित केले आहे. त्यांच्यासाठी अमेरिकेच्या सीआयएकडून पैसा पुरवला जात होता,असे धक्कादायक वक्तव्य इम्रान खान यांनी केले आहे. आता एका दशकानंतर अमेरिका अफगाणिस्तानमध्ये दाखल झाला आहे आणि त्याच जिहादींना आता अमेरिकेने दहशतवादी म्हणण्यास सुरूवात केली आहे,असेही ते म्हणाले. अमेरिकेचे वागणे हा मोठा विरोधाभास आहे. आम्ही आमच्या 70 हजार लोकांना गमावलं आणि देशाच्या अर्थव्यवस्थेतील सात लाख कोटी रूपये गमावले. अखेरीस आमच्या हाती काय लागले? अमेरिकेने आमच्यावरच अपयशी ठरल्याचा ठपका ठेवला. पाकिस्तानच्या विरोधात झालेला हा अन्याय आहे, असे इम्रान खान म्हणाले.