Share Market Closing : सुरुवातीच्या घसरणीनंतरही, देशांतर्गत शेअर बाजारातील बेंचमार्क निर्देशांक मंगळवारी सलग दुसऱ्या दिवशी वाढीसह बंद झाले. 30-शेअर बेंचमार्क निर्देशांक 363.99 (0.45%) अंकांनी वाढून 80,369.03 वर पोहोचला. दुसरीकडे, 50 शेअर्सचा NSE निफ्टी 127.70 (0.52%) अंकांनी वाढून 24,466.85 वर पोहोचला. शेवटच्या सत्रात बँकिंग शेअर्समध्ये झालेली खरेदी आणि जागतिक बाजारातील मजबूत कल यामुळे प्रमुख शेअर बाजार निर्देशांक सेन्सेक्स आणि निफ्टी मंगळवारी सलग दुसऱ्या सत्रात तेजीसह बंद झाले.
डॉलरच्या तुलनेत रुपया फ्लॅट बंद –
आठवड्याच्या दुसऱ्या दिवशी बीएसई सेन्सेक्स 363.99 अंकांनी किंवा 0.45 टक्क्यांनी वाढून 80,369.03 वर बंद झाला. दिवसाच्या व्यवहारादरम्यान तो 583.69 अंकांनी घसरून 79,421.35 वर आला होता. दरम्यान, NSE निफ्टी 127.70 अंकांनी किंवा 0.52 टक्क्यांनी वाढून 24,466.85 वर पोहोचला. डॉलरच्या तुलनेत रुपया 84.07 रुपयांवर बंद झाला.
देशांतर्गत गुंतवणूकदारांनी केलेल्या खरेदीमुळे वाढीला चालना –
व्यापाऱ्यांच्या मते, देशांतर्गत संस्थात्मक गुंतवणूकदारांनी (DII) सतत खरेदी केल्यानेही तेजीला चालना मिळाली. सेन्सेक्समधील ३० समभागांमध्ये स्टेट बँक ऑफ इंडिया सर्वाधिक पाच टक्क्यांहून अधिक वाढले, त्यानंतर आयसीआयसीआय बँक, बजाज फिनसर्व्ह, एनटीपीसी, अदानी पोर्ट्स, बजाज फायनान्स आणि लार्सन अँड टुब्रो यांच्या शेअरमध्ये वाढ झाली.
याउलट मारुती, टाटा मोटर्स, सन फार्मा, भारती एअरटेल, इंडसइंड बँक आणि महिंद्रा अँड महिंद्रा यांच्या शेअरमध्ये घट झाली. एक्सचेंज डेटानुसार, परदेशी संस्थागत गुंतवणूकदारांनी (FII) सोमवारी 3,228.08 कोटी रुपयांचे शेअर्स विकले, तर DII ने 1,400.85 कोटी रुपयांचे शेअर्स खरेदी केले.
आशियाई बाजारात मंदी, युरोपीय-अमेरिकन बाजारपेठेत वाढ –
आशियाई बाजारात, सोल, टोकियो आणि हाँगकाँग वाढीसह बंद झाले तर शांघाय घसरले. युरोपीय बाजार तेजीसह व्यवहार करत होते. सोमवारी अमेरिकन बाजार सकारात्मक क्षेत्रात बंद झाले. जागतिक तेल बेंचमार्क ब्रेंट क्रूड 0.66 टक्क्यांनी वाढून $71.89 प्रति बॅरलवर पोहोचले.
दरम्यान, एक दिवस आधी सोमवारी BSE सेन्सेक्स 602.75 अंकांनी किंवा 0.76 टक्क्यांनी वाढून 80,005.04 वर बंद झाला होता. निफ्टी 158.35 अंकांनी किंवा 0.65 टक्क्यांनी वाढून 24,339.15 वर बंद झाला होता.
