Shashi Tharoor | Narendra Modi : ‘शिवलिंगावर बसलेला विंचू’ या वक्तव्यावरून झालेल्या मानहानीच्या प्रकरणात काँग्रेस नेते शशी थरूर यांना सर्वोच्च न्यायालयाकडून दिलासा मिळाला आहे. सर्वोच्च न्यायालयात न्यायमूर्ती हृषिकेश रॉय आणि न्यायमूर्ती आर महादेवन यांच्या खंडपीठाने थरूर यांच्याविरुद्ध दिल्लीतील राऊस अव्हेन्यू न्यायालयात सुरू असलेल्या कारवाईला स्थगिती दिली. खंडपीठाने दिल्ली राज्य आणि तक्रारदार आणि भाजप नेते राजीव बब्बर यांना नोटीस पाठवून चार आठवड्यांत उत्तर देण्यास सांगितले आहे.
थरूर यांचे वकील मोहम्मद अली खान यांनी बचावात तीन मुद्यांवर युक्तिवाद करण्यास सुरुवात केली तेव्हा न्यायालयाने सांगितले की, तुम्ही थेट सुरुवात केली आहे. प्रथम स्वतःची ओळख करून द्या. यानंतर थरूर यांच्या वकिलाने या संपूर्ण घटनेची पार्श्वभूमी सांगितली आणि त्यानंतर बेंगळुरू लिट फेस्टमध्ये त्यांच्या पुस्तकाच्या लाँचच्या वेळी दिलेल्या भाषणात त्यांनी ‘पंतप्रधान नरेंद्र मोदी यांची तुलना शिवलिंगाभोवती गुंडाळलेल्या विंचवाशी केली. ना हाताने काढता येत ना चपला मारता येत’ असे ते म्हणाले होते.
थरूर यांच्याविरोधात भाजप नेते राजीव बब्बर यांनी फौजदारी मानहानीचा खटला दाखल केला होता. थरूर यांच्या वकिलाने सांगितले की, लिट फेस्टमध्ये त्यांच्या पुस्तकाचे प्रकाशन करताना त्यांनी फक्त एक टिप्पणी केली होती, ज्यामध्ये पंतप्रधानांचे नावही घेतले नव्हते. शिवलिंगावर विंचू बसलेला असतो, अशी अलंकारिक भाषेत एक म्हण त्यांनी उद्धृत केली होती. ना हाताने काढता येत ना चपला मारता येत. खरं तर, एका इंग्रजी म्हणीद्वारे थरूर अशा परिस्थितीचा उल्लेख करत होते की, कोणी जगू शकत नाही आणि मरू शकत नाही. असं होत.
न्यायमूर्ती हृषिकेश रॉय म्हणाले की, हे एका साहित्यिक कार्यक्रमात दिलेले भाषण होते, ज्यात या म्हणीवर कोणाचा आक्षेप कसा आणि का असू शकतो? थरूर यांच्या वकिलांनी सांगितले की, शशी थरूर यांचे हे विधान 2012 मध्ये एका मासिकात प्रसिद्ध झाले तेव्हा कोणीही आक्षेप घेतला नाही. पण जेव्हा 2018 मध्ये एका कोटमध्ये हीच गोष्ट सांगितली गेली तेव्हा काही लोकांचा आक्षेप होता. सुप्रीम कोर्टाने थरूर यांच्याविरुद्ध राऊस एव्हेन्यू कोर्टात सुरू असलेल्या सुनावणीला स्थगिती दिली आणि याचिकाकर्ते राजीव बब्बर यांना खालच्या कोर्टात नोटीस बजावली. न्यायालयाने नोटीसला चार आठवड्यांत उत्तर मागितले आहे.
काय म्हणाले होते थरूर –
थरूर यांनी ऑक्टोबर 2018 मध्ये दावा केला होता की, राष्ट्रीय स्वयंसेवक संघाच्या (आरएसएस) एका निनावी नेत्याने पंतप्रधान मोदींची तुलना ‘शिवलिंगावर बसलेल्या विंचवाशी’ केली होती. जून 2019 मध्ये थरूर यांना खालच्या न्यायालयाने संबंधित प्रकरणात जामीन मंजूर केला होता. भारतीय दंड संहितेच्या कलम 499 (मानहानी) आणि 500 (बदनामीसाठी शिक्षा) अंतर्गत तक्रार दाखल करण्यात आली होती.
