पुणे – पुणे शहरातील भवानी पेठेतल्या विठ्ठल रुक्मिणी मंदिरामध्ये घेतलेल्या दोन दिवसाच्या मुक्कामनंतर शुक्रवारी सकाळी सहा वाजता ज्ञानेश्वर माऊलींच्या पालखी सोहळ्याने आज पुण्यातून सासवडच्या दिशेने प्रस्थान केले. त्यानंतर आज सांयकाळी पाचच्या सुमारास माऊलींचा पालखी सोहळा दिवेघाटातून सासवडकडे मार्गस्थ झाला. यावेळी पुण्याच्या हडपरसमधून दिवे घाटात वारी दाखल होताच दिवे घाटात अलोट जनसागर लोटला होता.