Salman Khan : बॉलिवूड अभिनेता सलमान खानवर पुन्हा एकदा दुःखाचा डोंगर कोसळला आहे. जिवलग मित्राच्या निधनाच्या धक्क्यातून सावरत असतानाच त्याच्या अत्यंत जवळच्या मैत्रीण कुमुद राणे यांचे निधन झाले. मंगळवारी सलमान खानने कुटुंबीयांसह त्यांच्या अंत्यसंस्काराला उपस्थित राहून अखेरचा निरोप दिला. (Salman Khan)

अंत्यसंस्कारावेळी सलमानसोबत त्यांची आई सलमा खान, भाऊ अरबाज खान आणि सोहेल खान हे देखील उपस्थित होते. कुमुद राणे या खान कुटुंबाच्या अत्यंत जवळच्या मानल्या जात होत्या. त्यामुळे त्यांच्या निधनामुळे संपूर्ण खान कुटुंब शोकसागरात बुडाले आहे. (Salman Khan)

जवळच्या व्यक्तीला अखेरचा निरोप देताना सलमान खान भावूक झाल्याचे पाहायला मिळाले. अंत्यसंस्कारावेळी तो शांत आणि गंभीर दिसत होता. काही क्षणांसाठी त्याला अश्रूही अनावर झाल्याचे उपस्थितांनी सांगितले. (Salman Khan)

विशेष म्हणजे, गेल्या महिन्यातच सलमान खानने त्याचा जिवलग मित्र सुशील कुमार यांना गमावले होते. त्यावेळी सलमानने सोशल मीडियावर भावनिक पोस्ट शेअर करत ४२ वर्षांच्या मैत्रीच्या आठवणींना उजाळा दिला होता. सुशील कुमार हे केवळ मित्र नव्हते, तर कुटुंबातील सदस्यासारखे असल्याचे त्याने म्हटले होते. (Salman Khan)

सुशील कुमार यांच्या निधनानंतर अवघ्या काही आठवड्यांतच आणखी एका जवळच्या व्यक्तीचे निधन झाल्याने सलमान खानला मोठा भावनिक धक्का बसला आहे. त्यामुळे अभिनेता सध्या कठीण काळातून जात असल्याची चर्चा चाहत्यांमध्ये सुरू आहे. (Salman Khan)