8th Pay Commission News: केंद्र सरकारने सरकारी कर्मचाऱ्यांना मोठी भेट दिली आहे. 8व्या वेतन आयोगाच्या स्थापनेला मंजुरी देण्यात आली आहे. करोडो कर्मचाऱ्यांना केंद्र सरकारच्या निर्णयाचा फायदा होणार आहे. त्यांचा पगार आता वाढणार आहे. माहिती आणि प्रसारण मंत्री अश्विनी वैष्णव यांनी सांगितले की, 8 वा वेतन आयोग स्थापन करण्याचा निर्णय घेण्यात आला आहे.
पंतप्रधान नरेंद्र मोदी यांच्या अध्यक्षतेखाली झालेल्या मंत्रिमंडळाच्या बैठकीत यावर चर्चा झाली. 8 व्या वेतन आयोगाला 2026 पर्यंत अहवाल सादर करायचा आहे. याआधी 2016 मध्ये 7वा वेतन आयोग स्थापन करण्यात आला होता, ज्याचा कार्यकाळ 2026 मध्ये संपणार आहे. केंद्रीय मंत्र्यांच्या म्हणण्यानुसार आयोगाचे अध्यक्ष आणि दोन सदस्यांची लवकरच नियुक्ती केली जाईल.
#WATCH | Delhi: Union Minister Ashwini Vaishnaw says, “Prime Minister has approved the 8th Central Pay Commission for all employees of Central Government…” pic.twitter.com/lrVUD25hFu
— ANI (@ANI) January 16, 2025
याचा फायदा केंद्रीय कर्मचारी आणि पेन्शनधारकांना होणार आहे. या निर्णयानंतर कर्मचाऱ्यांच्या पगारात बंपर वाढ होणार असल्याचे मानले जात आहे. केंद्रीय मंत्री म्हणाले की, 1947 पासून आतापर्यंत सात वेतन आयोग लागू करण्यात आले आहेत. आता सरकारने सातवा वेतन आयोग संपण्याच्या अवघ्या वर्षभरापूर्वी आयोगाच्या स्थापनेला मान्यता दिली आहे.