पडिक, दुर्लक्षित जागेवर नवी संकल्पना
पिंपळे निलख – पिंपळे निलख परिसरात पुणे-बाणेर व पिंपरी-चिंचवड परिसराच्या सीमेवर मुळा नदी काठी जवळपास साडेपाच एकर क्षेत्रात आधुनिक सुविधा असलेले महापालिकेचे शहीद अशोक कामटे उद्यान साकारत आहे.
पिंपळे निलख येथील दक्षिण बाजूला मुळा नदीच्या काठावर अनेक वर्षे झाली पडिक म्हणून दुर्लक्षित असलेल्या जागेवर आता नवीन संकल्पना असलेले तसेच हटके असे जवळपास चार कोटी रुपये खर्च करण्यात येत असलेल्या उद्यानाचे काम पूर्ण होण्याच्या मार्गावर आहे. पुढील काही दिवसांत हे उद्यान नागरिकांसाठी खुले करण्यात येणार आहे. पिंपळे निलख येथून बाणेर बालेवाडी फाट्याकडे जाणाऱ्या रस्त्याला दोन भागात हे उद्यान विभागले आहे. डाव्या बाजूला चारएकर क्षेत्रावर विविध सुविधा असलेले उद्यान, तर उजव्या बाजूला दीड एकर भागात पारंपरिक व्यायामशाळा व आधुनिक ओपन जीम असे स्वरूप आहे.
उद्यानात फक्‍त लहान मुलांना खेळण्यासाठी खेळ साहित्य व ज्येष्ठ नागरिकांना व्यवस्था म्हणजे उद्यान नाही, तर या उद्यानात अँम्पि थिएटर, एंट्रॅंस प्लाझा, प्यारागोला म्हणजे लता मंडप, सेंट्रल पार्क, मियावकी जंगल, खास मुलांचे आकर्षण संगणक कीबोर्ड व अन्य विविध प्रकारच्या नवीन गोष्टी व सुविधा नागरिकांसाठी उपलब्ध करून देण्यात येणार आहेत.
उद्यानाचे ठळक वैशिष्ट्ये
साडेपाच एकर नदीकाठावर सर्व सुविधायुक्‍त उद्यान
नागरिकांना सार्वजनिक, संस्था, व अन्यसाठी दोन अँपी थिएटर
आकर्षक प्रवेशद्वार
प्रवेश करताच बैठक व्यवस्था यासाठी छताला आधुनिक प्लॅस्टिक व प्रकाश पडेल असे फायबर छत
लता मंडप अर्थात पॅरागोला
आधुनिक तीन छत्र्या (अंब्रेला)
ओपन लायब्ररी – वाचनालय
विद्युत रोषणाई व एलईडी दिवे
12 मीटर उंच मोमेंट कॉलम
सर्व विद्यापीठाच्या आठवण करून देणारे व नाव असलेले खांब
दोन वेगवेगळे वॉकिंग ट्रॅक यामध्ये सिमेंट व मातीचा नैसर्गिक असे दोन्ही शेजारी शेजारी.
अँपी थिएटरमध्ये चेसच्या बोर्डाच्या पध्दतीने मुलांसाठी मांडणी त्यात चुंबकीय व्यवस्था.
उद्यानाच्या दक्षिणेस कॉम्प्युटर कीबोर्ड मोठा
आकाराचा व त्यास कीबोर्ड प्रमाणे आकर्षक रचना
विदेशी फूल व अन्य झाड न ठेवता देशी जातीची झाडे व अन्य वृक्ष.
आकर्षक लॉन व हिरवळ
ज्येष्ठ नागरिकांसाठी मंदिर, बसण्यासाठी व्यवस्था
उद्यानाला मियावकी जंगल विशेष आकर्षण
मल्लखांब, कुस्ती, दोर व अन्य पारंपरिक साहित्य
आधुनिक ओपन जिम साहित्य
महिला व पुरुषांसाठी स्वच्छता गृह
कायमस्वरूपी सुरक्षा रक्षक व इतर सुरक्षा व्यवस्था
उद्यानाला महापालिका प्रशासनाने खासगी संस्थेला विकसित करण्यासाठी हे काम दिले आहे. अतिशय सुंदर व कायमस्वरूपी नागरिकांसाठी उद्यान विकसित करण्यात येत आहे. नागरीकांच्या सेवेसाठी सर्व व्यवस्था व सुविधा उपलब्ध करून देण्यात आल्या आहेत.
– शंकर हांडगे, उद्यान प्रभारी, बीव्हीजी ग्रुप
पिंपरी-चिंचवड शहर आणि पुण्यात असे एकमेव नवीन संकल्पना असलेले हे उद्यान आहे. उद्यान संकल्पना ही आधुनिक असली तरी त्यासाठी नैसर्गिक व पारंपरिक पद्धतीने हाताळले जात आहे. उद्यानाला मुंबई हल्ल्यात शहीद झालेल्या व पिंपळे निलख येथील पोलीस अधिकारी शहीद अशोक कामटे यांचे नाव हे निश्‍चित प्रेरणा देणारे आहे.
– तुषार कामठे, नगरसेवक, पिंपळे निलख
सर्व लोकप्रतिनिधी व महापालिका प्रशासनाने हे उद्यान नागरिकांसाठी लवकरात
लवकर देण्यासाठी प्रयत्न केले. विविध प्रकारच्या खेळ, झाडे व अन्य सर्व सुविधा असलेल्या उद्यान नक्‍कीच आकर्षणाचे ठिकाण ठरेल.
– आरती चोंधे, नगरसेविका, पिंपळे निलख
