Rohit Pawar:  केंद्र सरकारने प्रधानमंत्री उज्ज्वला योजनेच्या नियमांमध्ये एक मोठा बदल केला आहे. सरकारनं आता वर्षाला मिळणाऱ्या अनुदानित एलपीजी सिलेंडर्सची संख्या ९ वरून कमी करुन ४ केली आहे.

म्हणजेच, आता उज्ज्वला योजनेच्या लाभार्थी कुटुंबांना वर्षाला केवळ ४ सिलेंडरवरच अतिरिक्त अनुदानाचा लाभ घेता येणार आहे. यावरून देशभरातील नागरिकांकडून नाराजी व्यक्त केली जात आहे. यातच शरद पवार गटाचे नेते, आमदार रोहित पवार यांनी एक ट्वीट करत सरकारवर टीका केली आहे.

रोहित पवारांचे ट्विट – 

“उज्ज्वला योजनेतील अनुदानित गॅस सिलिंडरची संख्या १२ वरुन आधी ९ केली आणि आता ९ वरुन थेट ४ करण्यात आली. उद्या ही उज्ज्वला योजनाच सरकारने गुंडाळली तर आश्चर्य वाटणार नाही. असाच प्रकार लाडक्या बहिणींच्या बाबतीतही सुरु आहे. निवडणुकीत मतांची बेगमी होताच सरसकट लाभ दिल्यानंतर आता वेगवेगळे निकष लावून ८० लाख लाडक्या बहिणींना योजनेतून बाहेर काढण्यात आलं.

उज्ज्वला योजनेतील अनुदानित गॅस सिलिंडरची संख्या १२ वरुन आधी ९ केली आणि आता ९ वरुन थेट ४ करण्यात आली. उद्या ही उज्ज्वला योजनाच सरकारने गुंडाळली तर आश्चर्य वाटणार नाही. असाच प्रकार लाडक्या बहिणींच्या बाबतीतही सुरु आहे. निवडणुकीत मतांची बेगमी होताच सरसकट लाभ दिल्यानंतर आता वेगवेगळे… pic.twitter.com/lRGhe7TBZO

— Rohit Pawar (@RRPSpeaks) June 9, 2026

उद्या आणखी निकष लावून हाताच्या बोटावर मोजता येतील इतक्याच लाडक्या बहिणींना योजनेचा लाभ दिला जाईल किंवा ही योजनाही अशीच बंद केली जाईल. पुढील निवडणुकीत पुन्हा अशाच कुठल्यातरी योजनेचं तात्पुरतं गाजर दाखवलं जाईल. कारण मतांसाठी फसवणूक करणारं हे विश्वासघातकी सरकार आहे”, असे म्हणत रोहित पवार यांनी सरकारवर हल्लाबोल केला आहे.

सबसिडी सिलेंडरची संख्या आता 9 वरून थेट 4 वर 

2016 साली पंतप्रधान उज्ज्वला योजना सुरू करण्यात आली होती. या योजने अंतर्गत लाभार्थ्यांना 14.2 किलोचे 12 एलपीजी सिलेंडरवर सबसिडी मिळत होती. मात्र त्यानंतर ही संख्या कमी होऊन 9 इतकी झाली. तर आता नवीन निर्णयानुसार, त्यात आणखी कपात करण्यात आली असून या योजनेच्या लाभार्थ्यांना वर्षभरात केवळ 4 सिलेंडरवरच सबसिडी देण्यात येणार आहे.

दरम्यान, सरकारनं मे २०२२ मध्ये उज्ज्वला योजनेच्या लाभार्थ्यांसाठी प्रति सिलेंडर २०० रुपयांचं अनुदान जाहीर केलं होतं. त्यानंतर ऑक्टोबर २०२३ मध्ये ते वाढवून ३०० रुपये करण्यात आलं होतं. हे अनुदान थेट लाभार्थ्यांच्या बँक खात्यात जमा केलं जातं.

दरवाढीनंतर सध्या दिल्लीमध्ये १४.२ किलोग्रॅमच्या एलपीजी सिलेंडरची किंमत ९४२ रुपयांवर पोहोचली आहे. मात्र, सब्सिडी मिळाल्यामुळे उज्ज्वला लाभार्थ्यांना हा सिलेंडर साधारण ६४२ रुपयांना मिळतो. Rohit Pawar

हेही वाचा: 

Badlapur News : भरधाव कारने मनसे पदाधिकाऱ्याला उडवलं; घटना सीसीटीव्हीत कैद, प्रकृती चिंताजनक