France (Nice) : टोकियो ऑलिम्पिकचा रौप्यपदक विजेता रवी कुमार दहिया, जो दुखापतींमुळे संपूर्ण 2023 आंतरराष्ट्रीय हंगामाला मुकला होता, त्याने शनिवारी फ्रान्सच्या नाइस येथे ग्रँड प्रिक्स डी फ्रान्स हेन्री डेगलन 2024 कुस्ती स्पर्धेत कांस्य पदकासह पुनरागमन केले.

स्टार भारतीय कुस्तीपटूने पुरुषांच्या 61 किलो फ्रीस्टाइल कांस्यपदकाच्या लढतीत कझाकिस्तानच्या कैरत अमिरतयेववर 10-4 असा विजय मिळवला. दहिया पहिल्याच मिनिटात 2-4 ने मागे पडला पण त्यानंतर त्याने अनुभवाचा उपयोग करून सामना जिंकला.

🤼‍♂️🏅 Pure Excellence! Ravi Kumar Dahiya, the powerhouse FS #TOPScheme Wrestler, clinched the 🥉Medal in the fiercely competitive 61kg weight category at Grand Prix De France Henri Deglane in Nice, France! 💪

Overflowing with pride for this phenomenal achievement! pic.twitter.com/u8jesEZSPC

— SAI Media (@Media_SAI) January 21, 2024

तत्पूर्वी, दहियाने Round of 16 मध्ये  तांत्रिक श्रेष्ठतेने जर्मनीच्या ज्युलियन झिन्सरचा (13-2) पराभव केला, त्यानंतर उपांत्यपूर्व फेरीत कझाकिस्तानच्या झांगर काबिल्बेकोव्हवर 12-6 असा विजय मिळवला. मात्र, भारतीय कुस्तीपटूला उपांत्य फेरीत फ्रान्सच्या अरमांड अलोयानविरुद्ध 6-3 असा पराभव पत्करावा लागला आणि त्यानंतर त्याने कांस्यपदकापर्यंत मजल मारली.

रवी कुमार दहियाने 2022 च्या जागतिक कुस्ती चॅम्पियनशिपमध्ये आंतरराष्ट्रीय स्तरावर शेवटची स्पर्धा केली होती. फेब्रुवारीमध्ये सराव करताना त्याच्या उजव्या गुडघ्यात अँटीरियर क्रूसीएट लिगामेंट (ACL) आणि मेडियल कोलॅटरल लिगामेंट (MCL) दुखापत झाल्याने एप्रिल 2023 मध्ये आशियाई चॅम्पियनशिपमध्ये तो सहभागी होऊ शकला नाही.

घुटने की चोट से जूझ रहे ओलंपिक पदक विजेता छोटे भाई रवि दहिया का ऑपरेशन सफल रहा। आशा है आप जल्द स्वस्थ होकर फिर से #कुश्ती मैट पर अपना सर्वश्रेष्ठ प्रदर्शन दोहरायेंगे। pic.twitter.com/walfbpaazr

— Yogeshwar Dutt (@DuttYogi) July 27, 2023

जुलै 2023 मध्ये आशियाई खेळांच्या राष्ट्रीय चाचण्यांदरम्यान रवी कुमार दहियाची दुखापत  आणखीनच वाढली आणि त्याला उर्वरित वर्षासाठी खेळापासून दूर राहावे लागले. यानंतर, त्याने बेलग्रेडमधील जागतिक कुस्ती स्पर्धेत भाग घेतला नाही, जो पॅरिस 2024 ऑलिम्पिकसाठी पात्रता फेरीची स्पर्धा होती.

आगामी स्पर्धेसाठी, रवी कुमार दहिया 61 किलोवरून 57 किलो वजनी गटात जाण्याची अपेक्षा आहे. एप्रिलमध्ये किर्गिझस्तानमध्ये होणाऱ्या आशियाई ऑलिम्पिक पात्रता आणि मे मध्ये तुर्कीमध्ये होणाऱ्या जागतिक ऑलिम्पिक पात्रता स्पर्धेत तो भाग घेऊ शकतो.