टोकियो – टोकियो ऑलिम्पिकमध्ये आज सकाळी-सकाळी भारतीय चाहत्यांसाठी एक आनंदाची बातमी आली आहे. भारतीय कुस्तीपटू रवी दहिया 57 किलो वजनी गटात आणि दीपक पुनिया कुस्तीच्या 86 किलो वजनी गटात उपांत्य फेरीत पोहोचला आहे. रवीने बल्गेरियन कुस्तीपटूचा पराभव केला. त्याचवेळी दीपकने चीनच्या पैलवानाचा पराभव केला.
या दोघांनी 10 मिनिटांत भारतासाठी 2 पदके निश्चित केली. आता हे दोघेही आज उपांत्य फेरी खेळतील. भारताने ऑलिम्पिक कुस्तीत एकूण 5 पदके जिंकली आहेत. केडी जाधव (1952), सुशील कुमार (2) (2008, 2012), योगेश्वर दत्त (2012) आणि साक्षी मलिक (2016) हे विजयी झाले आहेत.
नीरज चोप्रा भालाफेकमध्ये अंतिम फेरीसाठी पात्र ठरला आहे. बुधवारी भारतीय महिला हॉकी आणि बॉक्सर लवलिना बोर्गोहेन यांच्याकडूनही मोठ्या आशा आहेत. हॉकी संघाने आधीच उपांत्य फेरी गाठून आपली सर्वोत्तम कामगिरी केली आहे.