Ravi Bishnoi six hit to Jasprit Bumrah in MI vs LSG match : आयपीएल २०२५ मध्ये रविवारी रात्री लखनौ सुपर जायंट्सला मुंबई इंडियन्सविरुद्धच्या सामन्यात सहावा पराभव पत्करावा लागला. या सामन्यात मुंबईने २१६ धावांचे लक्ष्य दिले होते. मात्र प्रत्युत्तरात लखनौचा संघ १६१ धावांवर गारद झाला. या सामन्यानंतर मुंबईच्या विजयपेक्षा लखनौच्या रवी बिश्नोईची चर्चा जास्त होती. कारण या सामन्यादरम्यान त्याने चक्क जसप्रीत बुमराहला षटकार मारण्याचा पराक्रम केला. ज्याचा व्हिडीओ तुफान व्हायरल होत आहे.
रवी बिश्नोईने बुमराहला मारला ७६ मीटर लांब षटकार –
होय! तुम्ही बरोबर ऐकलं, लेग स्पिनने फलंदाजांना कसे हादरवायचे हे जाणणारा सडपातळ रवी बिश्नोईने बुमराहला षटकार मारला. त्याने १८ व्या षटकात गोलंदाजी करायला आलेल्या जसप्रीत बुमराहच्या शेवटच्या चेंडूवर ७६ मीटर लांब षटकार मारला. विशेष म्हणजे या षटकानंतर त्याने असं सेलिब्रेशन केलं की जणू त्यांने आपल्या संघाला सामनाच जिंकून दिला. कारण जसप्रीत बुमराहची गणना जगातील सर्वोत्तम वेगवान गोलंदाजांमध्ये केली जाते. ज्याचा सामना करताना मोठमोठ्या फलंदाजांना घाम फुटतो. त्याच बुमराहला रवी बिश्नोईने षटकार मारण्याचा पराक्रम केला.
The celebrations from Ravi Bishnoi after hitting Jasprit Bumrah for a six. 😭😭😭 pic.twitter.com/EvpfXWKawK
— Dilshad Ansari (@DilshadAns93044) April 27, 2025
जसप्रीत बुमराहने लावला डोक्याला हात –
Reaction of Ravi Bishnoi after hitting six to Bumrah. 😂👌🏼 pic.twitter.com/NflEISskNK
— Vishal. (@SPORTYVISHAL) April 27, 2025
जसप्रीत बुमराहने लेंथ बॉल टाकला होता, ज्यावर रवी बिश्नोईने लोफ्टेड शॉट मारून चेंडू सीमारेषेच्या बाहेर पाठवला. बुमराहविरुद्ध षटकार मारल्यानंतर केवळ बिश्नोई आनंदी नव्हता, तर संपूर्ण लखनौ सुपर जायंट्सच्या डगआउटमध्ये आनंदाचे वातावरण होते. ज्यापैकी झहीर खान आणि ऋषभ पंत हसताना दिसले. विशेष म्हणजे हा षटकार पाहून जसप्रीत बुमराह देखील चकीत झाला आणि त्याने डोक्यालाच हात लावला. ज्याचा व्हिडीओ सोशल मीडियावर तुफान व्हायरल होत आहे.
हेही वाचा – DC vs RCB : विराटने घेतला बदला! दिल्लीत कांतारा सेलिब्रेशन करत राहुलला डिवचलं, पाहा VIDEO
या सामन्याबद्दल बोलायचे तर, मुंबईने प्रथम फलंदाजी करत २१५ धावा केल्या आणि नंतर २० षटकांत एलएसजीला १६१ धावांवर गुंडाळून आपल्या धावसंख्येचा यशस्वी बचाव केला. एमआयकडून जसप्रीत बुमराहने चार षटकांत २२ धावा देत चार विकेट्स घेतल्या आणि ट्रेंट बोल्टने एलएसजीच्या तीन फलंदाजांना पॅव्हेलियनमध्ये परत पाठवले. त्याआधी सूर्यकुमार यादव आणि रायन रॅकेलटन यांनी अर्धशतके झळकावली होती.
