Rasmika Mandana on Instagram | अभिनेत्री रश्मिका मंदानाच्या ‘पुष्पा 2’ चित्रपटाने बॉक्स ऑफिसवर तुफान कमाई केली. आता लवकरच ती ‘छावा’ चित्रपटात दिसणार आहे. सध्या सोशल मीडियावर रश्मिका मंदान्ना आणि सुप्रसिद्ध दक्षिणात्य अभिनेता तसेच तिचा रूमर्ड बॉयफ्रेंड विजय देवरकोंडा यांचा व्हिडिओ समोर आला होता. हा व्हिडीओ शेअर केल्याच्या काही तासांनंतर रश्मिकाने दयाळूपणावर कमेंट केल्याचे दिसून आले. रश्मिका आणि विजयच्या व्हिडीओमुळे नेटकऱ्यांनी निराशा व्यक्त केली आहे.
व्हायरल व्हिडीओमध्ये रश्मिका आणि विजयचा हा व्हिडीओ सोशल मिडीयावर व्हायरल झाला. या क्लिपमध्ये विजय आणि रश्मिका एका स्टोअरमधून बाहेर पडताना दिसले. स्टोअरमधून बाहेर पडल्यानंतर विजय लगेचच त्याच्या गाडीकडे गेला आणि आत बसला. तर रश्मिकाच्या पायाला दुखापत झाल्यामुळे तिला चालताना अडचणी येत असल्याचं सुद्धा या व्हिडीओमधून दिसले.
12 जानेवारी रोजी रश्मिका जीममध्ये व्यायाम करत असताना तिच्या पायाला गंभीर दुखापत झाली होती. मात्र रश्मिकाला मदत न केल्याने विजयला चांगलेच ट्रोल केले जात आहे.
दरम्यान, रश्मिका आणि बॉलिवूड अभिनेता विकी कौशल यांचा ‘छावा’ हा चित्रपट प्रदर्शित होणार आहे. विकी कौशल मुख्य म्हणजेच छत्रपती संभाजी महाराज यांच्या भूमिकेत झळकणार आहे. ‘छावा’ हा चित्रपट 14 फेब्रुवारी रोजी चित्रपटगृहात प्रदर्शित होणार आहे. याशिवाय ती ‘सिकंदर’ चित्रपटात देखील दिसणार आहे.
