राज ठाकरे यांचे पुत्र अमित निवडणुकीच्या मैदानात माहीममधून लढणार; मनसेचे ४५ उमेदवार जाहीर

Maharashtra Assembly Election 2024 । विधानसभा निवडणुकीसाठी महाराष्ट्र नवनिर्माण सेनेने (मनसे) मंगळवारी ४५ उमेदवारांची यादी जाहीर केली. मनसेचे अध्यक्ष राज ठाकरे यांचे पुत्र अमित यांना मुंबईतील माहीममधून देण्यात आलेली उमेदवारी त्या यादीचे प्रमुख वैशिष्ट्य ठरले आहे. अमित प्रथमच निवडणूक लढवणार आहेत.

मनसेने पुण्यातील ३ उमेदवार जाहीर केले आहेत. त्यानुसार, माजी आमदार दिवंगत रमेश वांजळे यांचे पुत्र मयुरेश यांना खडकवासला मतदारसंघातून मैदानात उतरवण्यात आले आहे. तर, पक्षाचे शहराध्यक्ष साईनाथ बाबर हडपसरमधून आणि माजी नगरसेवक किशोर शिंदे कोथरूडमधून लढतील. मुंबईतील वरळीमधून संदीप देशपांडे यांना रिंगणात उतरवण्यात आले आहे. त्यांचा मुकाबला माजी मुख्यमंत्री उद्धव ठाकरे यांचे पुत्र आदित्य यांच्याशी होईल.

आगामी विधानसभा २०२४ च्या सार्वत्रिक निवडणुकांसाठी ,महाराष्ट्र नवनिर्माण सेनेची दुसरी यादी खालीलप्रमाणे….#MNSAdhikrut #विधानसभा_२०२४ pic.twitter.com/gmBAIzsfRb

— MNS Adhikrut – मनसे अधिकृत (@mnsadhikrut) October 22, 2024

मावळत्या विधानसभेतील मनसेचे एकमेव आमदार राजू पाटील
कल्याण ग्रामीणमधून पुन्हा नशीब आजमावतील. अविनाश जाधव यांना ठाण्यातून उमेदवारी देण्यात आली आहे. यावेळी मनसे स्वतंत्रपणे निवडणूक लढवणार आहे. भाजपनंतर मोठ्या संख्येने उमेदवार जाहीर करणारा तो दुसराच प्रमुख राजकीय पक्ष ठरला आहे. याआधी भाजपने ९९ उमेदवार जाहीर केले. इतर प्रमुख पक्षांकडून उमेदवार जाहीर होण्याची अद्याप प्रतीक्षा आहे.

कोणाकोणाला मिळाली उमेदवारी ?
कल्याण ग्रामीण – प्रमोद (राजू) रतन पाटील
माहीम – अमित राज ठाकरे
भांडुप पश्चिम – शिरीष गुणवंत सावंत
वरळी – संदीप देशपांडे
ठाणे शहर – अविनाश जाधव
मुरबाड – संगिता चेंदवणकर
कोथरुड – किशोर शिंदे
हडपसर – साईनाथ बाबर
खडकवासला – मयुरेश रमेश वांजळे
मागाठाणे – नयन प्रदीप कदम
बोरीवली- कुणाल माईणकर
दहिसर- राजेश येरुणकर
दिंडोशी – भास्कर परब
वर्सोवा – संदेश देसाई
कांदिवली पू- महेश फरकासे
गोरेगांव – विरेंद्र जाधव
चारकोप – दिनेश साळवी
जोगेश्वरी पूर्व – भालचंद्र अंबुरे
विक्रोळी – विश्वजित ढोलम
घाटकोपर पश्चिम – गणेश चुक्कल
घाटकोपर पूर्व – संदीप कुलथे
चेंबूर – माऊली थोरवे
चांदिवली – महेंद्र भानुशाली
मानखुर्द – शिवाजीनगर – जगदीश खांडेकर
ऐरोली – निलेश बाणखेले
बेलापूर – गजानन काळे
मुंब्रा-कळवा – सुशांत सूर्यराव
नालासोपारा – विनोद मोरे
भिवंडी पश्चिम- मनोज गुळवी
मिरा-भाईंदर – संदीप राणे
शहापूर – हरिश्चंद्र खांडवी
गुहागर – प्रमोद गांधी
कर्जत-जामखेड – रवींद्र कोठारी
आष्टी- कैलास दरेकर
गेवराई – मयुरी बाळासाहेब म्हस्के
औसा – शिवकुमार नागराळे
जळगांव शहर – अनुज पाटील
वरोरा – प्रवीण सूर
सोलापूर दक्षिण – महादेव कोगनुरे
कागल – रोहन निर्मळ
सोलापूर दक्षिण – महादेव कोगनुरे
तासगांव-कवठे महाकाळ- वैभव कुलकर्णी
श्रीगोंदा – संजय शेळके
हिंगणा – विजयराम किनकर
नागपूर दक्षिण – आदित्य दुरुगकर
सोलापूर शहर – उत्तर – परशुराम इंगळे