हैदराबाद आणि इतर परिसरात मोठया प्रमाणात पावसाने हजेरी लावली होती. सतत सुरू असलेल्या मुसळधार पावसामुळे हैदराबादमध्ये दुर्घटना घडली. मुसळधार पासवामुळे या भागातील अनेक गाड्या वाहून गेल्या आहेत. त्यामुळे नागरिकांचे मोठे नुकसान झाल्याचे दिसून येत आहे.
The devastation caused by the unprecedented rainfall in Telangana is far worse than we ever imagined. Appreciate the efforts of the Telangana government and the Disaster Response Force for doing their best to help the affected families.
— Mahesh Babu (@urstrulyMahesh) October 20, 2020
या मुसळधार पावसामुळे १९ जण मृत्युमुखी पडले असून अनेकांचं जनजीवन विस्कळीत झालं आहे. यातच या परिस्थितीत दाक्षिणात्य सुपरस्टार महेश बाबू याने मदतीने हात पुढे केला. त्यांना सावरण्यासाठी राज्य सरकार तर प्रयत्न करत आहेत. मात्र आता अख्खं टॉलिवूडही त्यांच्या मदतीसाठी धावून आलं आहे.
मिळलेल्या माहितीनुसार मुख्यमंत्री सहाय्यता निधीसाठी तब्बल एक कोटी रुपयांची मदत केली आहे. शिवाय देशभरातील नागरिकांना मदत करण्याचं आवाहन केलं आहे.
हैदराबादमधील पूरग्रस्तांसाठी आता टॉलिवूडमधूनही मदतीचा पूर आला आहे. टॉलिवूडमधील सुपरस्टार्सनी तेलंगणा मुख्यमंत्री सहाय्यता निधीत मदत दिली आहे.