पाऊस आठवडाभरात राज्यात येणार

वेधशाळेचा अंदाज : पुढील 24 तासांत कर्नाटक व्यापणार

पुणे – “वायू’ चक्रीवादळ संथ झाल्यानंतर आता मान्सूनचे प्रवाह सुरळीत होऊ लागले आहेत. कर्नाटकापर्यत दाखल झालेल्या मान्सूनच्या आगामी वाटचालीसाठी सध्या पोषक वातावरण निर्माण झाले आहे. त्यामुळे येत्या चोवीस तासांत तो कर्नाटकातील आणखी काही भागात दाखल होण्याची शक्‍यता असल्याचे हवामान खात्याने कळविले आहे. दरम्यान, यानंतर म्हणजे या आठवड्याच्या अखेरच्या टप्प्यात मान्सून महाराष्ट्रात येण्याचा अंदाज आहे.

-Ads-
दैनिक प्रभातचे फेसबुक पेज लाईक करा

“वायू’ चक्रीवादळामुळे थांबलेला उत्तरेकडील प्रवास सुरू करत शुक्रवारी मान्सून दक्षिण कर्नाटकाच्या म्हैसूर मंगळुरूपर्यंत पोहचला आहे. त्याच्या आगामी वाटचालीसाठी सध्या योग्य स्थिती असल्याने येत्या चोवीस तासांत कर्नाटकाच्या काही भागांत दाखल होईल. त्याचबरोबर तामिळनाडूमधील काही भागांतसुद्धा मान्सून दाखल होऊ शकतो. महाराष्ट्रात मान्सून आठवड्याच्या शेवटच्या टप्यात दाखल होण्याची शक्‍यता आहे. दरम्यान, सध्या कोकणात चांगला पाऊस पडत आहे. मान्सूनपूर्व पाऊस रोज सायंकाळी होत असल्याने शेतीच्या कामासुद्धा वेग आला आहे.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)