पणजी – तिकीट वाटपावरून भारतीय जनता पक्षात असणाऱ्या असंतोषाचे लोण आता वाढत चालाले आहे. उत्पल पर्रीकर यांच्या पाठोपाठ भाजपाचे माजी मुख्यमंत्री लक्ष्मीकांत पार्सेकर यांनी पक्षाला रामराम करत अपक्ष लढण्याची घोषणा केली. अन्य तीन मंत्र्यांनी किंवा त्यांच्या निकटवर्तीयांनी भाजपाच्या अधिकृत उमेदवाराविरुध्द निवडणुक लढवण्याचा निर्णय घेतला आहे.
2017 मध्ये मंत्रीपदाचेआमिष आणि सत्तेतील वाटा देत कॉंग्रेसचे आमदार फोडत भअरतीय जनता पक्षाने गोव्यातील सत्ता काबिज केली. पार्सेकर 2017 च्या निवडणुकीत मंड्रेम मतदार संगातून पराभूत झाले. त्यानंतर 2019 मध्ये त्यांना पराभूत करणारे आमदार दयानंद सोपटे यांनी भाजपात प्रवेश केला. त्यामुळे यंदा त्यांनाच उमेदवारी देण्यात आली. त्यामुळे पर्सेकर यांनी बंडाची भूमिका घेत पक्षाचा राजीनामा देणअर असल्याचे स्पष्ट केले.
भाजपने उमेदवारांची पहिली यादी जाहीर केल्यानंतर गोव्याचे माजी मुख्यमंत्री लक्ष्मीकांत पार्सेकर यांनी त्यांच्या समर्थकांसोबत तातडीने बैठक बोलावली. गोवा निवडणुकीत त्यांच्या जागी मांद्रेम मतदारसंघातून दयानंद सोपटे यांना उमेदवारी दिल्याने ते भाजपवर प्रचंड नाराज आहेत. गोव्यात एकाच टप्प्यात 14 फेब्रुवारीला मतदान होणार असून 10 मार्चला मतमोजणी होणार आहे. या पार्श्वभूमीवर पार्सेकर हे येत्या दोन-तीन दिवसांत मंड्रेम मतदारसंघातून निवडणूक लढवण्याचा निर्णय घेण्याचा निश्‍चय व्यक्त केला जात आहे.
पार्सेकर यांच्यासह माजी मुख्यमंत्री मनोहर पर्रीकर यांचे पुत्र उत्पल पर्रीकर यांचेही नाव आहे. गोव्याचे उपमुख्यमंत्री चंद्रकांत कवळेकर यांच्या पत्नी सावित्री कवळेकर यांचाही अपक्ष म्हणून लढण्याची घोषणा करणाऱ्यांमध्ये समावेश आहे. उमेदवारी न मिळाल्याने सावित्री यांनी भाजप महिला मोर्चाच्या उपाध्यक्षपदाचा राजीनामा दिला आहे.
त्या अपक्ष म्हणून निवडणूक लढवणार आहेत. तसेच पीडब्ल्यूडी मंत्री असलेले दीपक पोस्कर यांनीही भाजपची उमेदवारी न मिळाल्याने अपक्ष म्हणून निवडणूक लढवण्याचा निर्णय घेतला आहे. गोव्याचे उपसभापती इसिडोर फर्नांडिस यांनीही भाजपचा राजीनामा दिला आहे.
