Singer Killed : पंजाबमधील लुधियाना येथून एक हृदयद्रावक घटना समोर आली आहे. त्यामुळे संगीत क्षेत्राला तसेच संपूर्ण परिसराला धक्का बसला आहे. सहा दिवसांपूर्वी बंदुकीच्या धाकाने अपहरण झालेल्या प्रसिद्ध पंजाबी गायिका इंदर कौर उर्फ यशिंदर कौर यांची हत्या झाली आहे. त्यांचा मृतदेह नीलो कालव्यातून सापडला आहे. (Singer Killed) मृत व्यक्तीची ओळख पटताच कुटुंबावर दुःखाचा डोंगर कोसळला. पोलिसांनी मृतदेह ताब्यात घेऊन शवविच्छेदनासाठी समराला सिव्हिल हॉस्पिटलच्या शवागारात ठेवला आहे. या घटनेमुळे परिसरात भीतीचे वातावरण निर्माण झाले आहे. (Singer Killed) इंदर कौरचा भाऊ, जोतिंदर सिंग याने पोलिसांत तक्रार दाखल केली आहे की, इंदर कौर १३ मे रोजी रात्री रेशन खरेदी करण्यासाठी तिच्या फोर्ड फिगो कारमधून बाजारातून बाहेर पडली, पण रात्री उशिरापर्यंत घरी परतली नाही. (Singer Killed) Singer Killed : कला विश्व हादरलं..! प्रसिद्ध गायिकेची हत्या; प्रियकराने अपहरण करून मृतदेह कालव्यात फेकला कुटुंबाने तिचा शोध सुरू केला, पण कोणताही सुगावा लागला नाही. कुटुंबीयांच्या म्हणण्यानुसार, मोगा येथील भालूर गावातील रहिवासी सुखविंदर सिंग उर्फ सुखा याने इंदर कौरवर लग्नासाठी दबाव टाकला होता. इंदर कौरने त्याच्याशी लग्न करण्यास नकार दिला होता, त्यानंतर आरोपीच्या मनात राग निर्माण झाला. (Singer Killed) असा आरोप आहे की, मुख्य आरोपी सुखविंदर सिंग हा खास कॅनडामधून पंजाबमध्ये आला होता. त्याने आपल्या साथीदारांसह वाटेत इंदर कौरवर हल्ला केला आणि बंदुकीच्या धाकाने तिचे अपहरण केले. त्यानंतर त्यांनी तिची हत्या करून तिचा मृतदेह निलो कालव्यात फेकून दिला. या घटनेनंतर आरोपी कॅनडाला फरार झाला. (Singer Killed)